اسلام آباد۔16نومبر (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ گلگت بلتستان ءِ الس ءُ امیت وار آنی جمہوری کار ءِ تہ ءَ بھر زوری کنگ ءِ پد ءَ مبارک بات پیش کناں، اپوزیشن ءِ مزن تکی سروکی یک ماھے ءَ چہ الس ءِ دماگ ءَ سوار بوتگ ءُ جی بی الیکشن ءَ را ریفرنڈم گوشگ ءَ بوتگ انت، گلگت بلتستان ءِ الس آں آوانی ءُ نواز شریف ءِ گپ ءُ تران آناں رد کنان ءَ کچرا ءِ ڈبہ ءَ دور داتگ، گلگت بلتستان ءِ الیکشن ءَ را ساپ ءُ سلہ ئی ءَ کنگ ءِ واستہ گیشاں چہ گیش کوشست کتگ، آیوکیں گچین کاری کار ءَ را ساپ ءُ سلہ کنگ ءِ واستہ زوت کانود سازی کناں۔ ھدا وند ءِ دوستگیں گڈی نبی محمد مصطفیٰ ﷺ ءِ شرپ ءُ ازت ءِ سر ءَ ارش کنوک دژمن انت، مزن وزیر عمران خان ءَ اے جیڈھ ءِ سر ءَ یونائیٹڈ نیشن ءَ ھوار مسلم ملک آناں نمدی نبشتہ کنگ ءَ ابید ھما گل زرتگ انت ءُ ھمے رد ءَ مسلمان آنی ترجمانی کتگ ایشی ءِ درور اچ جاہ ءَ اچ نہ رستگ، اچ سیاسی گل اے رنگیں جیڈھ ءِ سر ءَ جاک کنوک آناں وتی زورکی ءَ گوں تاچینت ءُ ھلاس کت نہ کنت۔ ایشاں گوں گپ ءُ تران کنگ ءِ کوشست ءَ کنگ ءَ آں۔ کجام رنگ ءَ السی جیڈھ آناں ساپ ءُ سلہ کنگ بیت اے رد ءَ وزارت ءِ توکی کار زوت جار ءِ جاڑی کنت۔ اے ھیالانی درشانی آئی ءَ دو شمبے ءَ پی آئی ڈی ءَ پریس کانفرنس ءَ گوں گشتانک دیان ءَ کت۔ وزیر ءِ اھوالکاری ءُ شنگ کاری ءَ گوشت کہ جی بی ءَ اپوزیشن ءِ امیت وار وت گوشگ ءَ انت کہ گچین کاری ساپ ءُ سلہ ئی ءَ گوں بوتگ انت، پاکستان پیپلز پارٹی ھم پیسر ءَ چہ چکاس آناں رد گوشگ ءَ بوتگ بلے رندتر ءَ آواں ھم من اتگ بلے مسلم لیگ (ن) اے گپ ءَ باور کت نہ کنگ ءَ انت۔
