اسلام آباد۔ 16 نومبر (اے پی پی) اسٹیٹ بینک کاروبار کروک آزالبول آتے وام فراوان کننگ کن پوسکن آ اسکیم نا بناءِ کرینے۔ ترجمان اسٹیٹ بینک انا رداٹ کاروبار کروک آ زالبول آتا است بڈی ءِ کننگ کن اسٹیٹ بینک ’’ری فنانس اینڈ کریڈٹ گارنٹی اسکیم فار ویمن انٹرپوینورز‘‘ نا بناءِ کرینے۔ دا اسکیم نا رداٹ اسٹیٹ بینک آف پاکستان ایلو بینک آتے بے سود فنڈ فراوان کیک، ایلو بینک آک کاروبار کروک آ زالبول آتے 5 درسد نا کچ اٹ50 لکھ روپئی اسکان وام فراوان کیرہ ہرافتا پدی تننگ نا مد 5 سال مقرر کننگانے۔ اسٹیٹ بینک دا اسکیم نا رداٹ ایلو بینک آتیکن 60 درسد نا رسک کوریج نا آسراتی اس ہم تسنے۔ اسٹیٹ بینک انا ترجمان پارینے کہ کاروبار کروک آ زالبول آک دا اسکیم آن پبی فائدہ ہرفر۔
