واشنگٹن، پیرس، نئی دہلی، ریوڈی جنیرو۔ 16 نومبر (اے پی پی) مچ آ دنیا ٹی کورونا نا دین آن زہمی بندغ آتا کچ 5 کروڑ 48 لکھ اسکان سرمس، دا ہلوک آ دین انا سوب آن داتم اسکان 13 لکھ 24 ہزار بندغ زوال کرینو۔ دوشنبے نادے آ امریکی میڈیا نا رداٹ دنیا نا چندی ملک آتیٹی کورونا دین انا پک زہمی تا کچ 54818877ءِ، دین آن زہمی ملک آتیٹی داتم اسکان 1324530 بندغ زوال کرینو۔ مچ آ دنیا ٹی کورونا نا فعال زہمی تا کچ 15،353،441ءِ، کورونا نا دین آن امریکہ غٹ آن زیات زہمی مسنے، برازیل کورونا دین آن مروک آ زوال کروک آتا لحاظ اٹ ارٹ میکو و ناجوڑ آتا بابت مسٹ میکو نمبر آٹے وخت اس کہ بھارت کورونا دین انا ناجوڑ آتا کچ انا اعتبار اٹ ارٹ میکو و زوال کروک آتاحساب وکتاب اٹ مسٹ میکو زہمی ملک ءِ۔ امریکہ ٹی کورونا نا دین آن زہمی بندغ آتا کچ اسہ کروڑ 13 لکھ آن گدرینگانے وخت اس کہ مچ آ ملک اٹی دین انا سوب داتم اسکان 2 لکھ 51 ہزار آن زیات بندغ زوال کرینو۔ ملک اٹی کورونا نا ناجوڑ آتا کچ 11366379اسکان سرمسنے۔ امریکی محکمہ جان جوڑی نا رداٹ ملک اٹی کورونا دین انا فعال زہمی تا کچ 4178917 ءِ وخت اس کہ دا ہلوک آ دین آن داتم اسکان 251832 بندغ زوال کرینو۔ بھارت اٹی ہلوک آ کورونا دین انا زہمی تا کچ 88 لکھ 45 ہزار آن گدرینگانے۔ بھارت نا چندی ریاست آتیٹی کورونا دین آن زہمی بندغ آتا جم کچ8845617 ءِ وخت اس کہ تدوک آ 24 گھنٹہ ٹی کورونا نا41100 پوسکن ءُ کیس رپورٹ مسنے۔ کمامدارآتا پاننگ ءِ کہ داٹی مچ آ ملک اٹی کورونا دین آن پین 447 بندغ زوال کرینو۔ بھارتی وزارت جان جوڑی نا حساب وکتاب نا رداٹ مچ آ ملک اٹی کورونا دین انا فعال کیس آتا کچ 465929ءِ۔ وزارت جان جوڑی نا کمامدارآتارداٹ بھارت اٹی کورونا دین آن داتم اسکان جم وڑاٹ 130109 بندغ زوال کرینو۔ لاطینی امریکی ملک برازیل اٹی ہلوک آ کورونا دین آن زہمی بندغ آتا کچ 58 لکھ 63 ہزار آن ودانے وخت اس کہ مچ آ ملک اٹی دین آن داتم اسکان اسہ لکھ 65 ہزار ہشت سد آن زیات بندغ زوال کرینو۔ برازیل اٹی تدوک آ 24 گھنٹہ ٹی کورونا دین انا 14134 پوسکن ءُ کیس مون آ بسنے ہراڑآن پک ناجوڑ آتا کچ 5863293مسنے۔ برازیل اٹی داوخت آ کورونا دین انا 405771فعال ناجوڑ ءُ۔ برازیل نا وزارت جان جوڑی نا حساب وکتاب نا رداٹ ملک اٹی تدوک آ 24 گھنٹہ ٹی کورونا دین آن پین 140 بندغ زوال کرینو۔ کمامدارآتا رداٹ ملک اٹی کورونا دین آن زوال کروک آتا پک کچ 165811ءِ۔ برازیل اٹی داتم اسکان 5291511 آن زیات کورونا ناجوڑ دراخ جوڑ مسنو۔ فرانس اٹی کورونا دین آن زہمی بندغ آتا کچ 19 لکھ 81 ہزار مس، ملک اٹی داتم اسکان ہلوک آ دین آن 44 ہزار بندغ زوال کرینو۔ ملک اٹی کورونا دین آن داتم اسکان 1981827 بندغ زہمی مسنو۔ کمامدارآتارداٹ فرانس نا چندی ہسپتال آتیٹی کورونا دین آن زہمی پین 302 بندغ زوال کرینو۔ فرانس اٹی داوخت آ کورونا دین انا فعال ناجوڑ آتا کچ 1797469ءِ۔ کمامدارآتارداٹ ملک اٹی کورونا دین انا کیس آتیٹی پدریسہ ودکی مننگ ءِ۔ تدوک آ دے ملک انا چندی علاقہ غاتیٹی کورونا دین انا 27228 پوسکن ءُ کیس مون آ بسنے۔ فرانس اٹی کورونا دین آن داتم اسکان جم وڑاٹ 44548 بندغ زوال کرینو۔ فرانس اٹی کورونا نا دین آن زہمی 139810 بندغ دراخ جوڑ مسنو۔
