تدوک آ 24 گھنٹہ ٹی کورونا نا 2 ہزار 128 ٹیسٹ مثبت، 19 زوال، 29 ہزار 511 ٹیسٹ کننگا، این سی او سی

اسلام آباد۔ 16 نومبر (اے پی پی) نیشنل کمانڈ اینڈ آپریشن سینٹر (این سی او سی) کورونا دین انا بابت تازہ حساب وکتاب ءِ جاری کرینے۔ دوشنبے نادے آ این سی او سی آن جاری کروک حساب وکتاب نارداٹ تدوک آ24 گھنٹہ ٹی کورونا نا 2 ہزار 128 ناجوڑ آتا ٹیسٹ مثبت بس وخت اس کہ تدوک آ 24 گھنٹہ ٹی 19 ناجوڑ مچ آ ملک انا ہسپتال آتیٹی دین انا سوب آن زوال کریر۔ تدوک آ 24 گھنٹہ ٹی ملک اٹی جم وڑاٹ کورونا نا ایکٹیو کیس آتا کچ 28 ہزار 48 ءِ۔ تدوک آ 24 گھنٹہ ٹی 29 ہزار 511 کورونا نا ٹیسٹ کننگا ہرافتیان سندھ اٹی 11 ہزار 353، پنجاب اٹی 11 ہزار 361، خیبرپختونخواٹی 5 ہزار 112، بلوچستان اٹی 437، گلگت بلتستان اٹی 304 و آزاد کشمیر اٹی 944 ٹیسٹ کننگا۔ داتم اسکان مچ آ ملک اٹی کورونا آن دراخ جوڑ مروک آتا کچ 3 لکھ 23 ہزار 824 مسنے۔ آزاد کشمیر و بلوچستان اٹی اسہ ہم کورونا نا ناجوڑ اس داوخت آ وینٹی لیٹر آ اف وخت اس کہ مچ آ ملک اٹی کورونا کن جتا کروک 1 ہزار 859وینٹی لیٹر آتیا 206 کورونا نا ناجوڑ ءُ۔ داتم اسکان مچ آ ملک اٹی کورونا نا ناجوڑ آتا جم کچ 3 لکھ 59 ہزار 32 ءِ ہرافتیان آزاد کشمیر اٹی 5 ہزار 455، بلوچستان اٹی 16 ہزار 407، گلگت بلتستان اٹی 4 ہزار 452، اسلام آباد اٹی 24 ہزار 218، خیبرپختونخوا ٹی 42 ہزار 370، پنجاب اٹی اسہ لکھ 10 ہزار 450 و سندھ اٹی 1 لکھ 55 ہزار 680 ناجوڑ ءُ۔ مچ آ ملک اٹی کورونا آن زوال کروک آتا کچ 7ہزار 160 ءِ ہرافتیان سندھ اٹی 2 ہزار 747و تدوک آ 24 گھنٹہ ٹی 9 ناجوڑ ہسپتال آتیٹی زوال کرینو۔ پنجاب اٹی 2 ہزار 475 مرک مس و تدوک آ 24 گھنٹہ ٹی 4 بندغ زوال کریر، خیبرپختونخوا ٹی 1 ہزار 311 و تدوک آ 24 گھنٹہ ٹی اِراناجوڑ دنیا ءِ الار۔ بلوچستان اٹی 156، گلگت بلتستان اٹی 93 مرک مس وخت اس کہ آزاد کشمیر اٹی دا دین آن 121 مرک مسنے۔ و تدوک آ 24 گھنٹہ ٹی 2 زوال کریر۔ داتم اسکان مچ آ ملک اٹی 49 لکھ 50 ہزار 561 کورونا نا ٹیسٹ کننگا۔ مچ آ ملک اٹی کورونا نا درمان کن جتا 735 ہسپتال آتیٹی 1 ہزار 587 ناجوڑ درمان مننگ ءُ۔