پاکستان تحریک انصاف ءِ حکومت وتی منشور ءِ چیر دستی ءَ توامیں شہری الس آناں جوانیں آسرتی پجاری کنگ ءِ واستہ سرجمیں پاکستان ءَ جان سلامتی آسراتی پروگرام ءِ چیر دستی ءَ جان سلامتی انصاف کارٹ پروگرام ءَ را شاھیگانی دنت،
اسلام آباد۔15نومبر (اے پی پی): صحت سہولت ءِ پروگرام چاگردی جان سلامتی رکھینگ ءِ توامیں جان سلامتی کوریج ءِ یک فلیگ شپ پروگرام ات ، گریب ءُ بزگریں مردم آنی جان سلامتی ءِ آسراتی پجاری ءَ را دل یکیمی جوڑ کنت۔ اے پروگرام انڈور پیشنٹ ءِ چار ءُ گزار ءُ دوا ءُ درمان ءِ واستہ انت پدا ھم آیوکیں باندات ءَ ایشی یے کار رپک ءَ را آئوٹ ڈور مریض آں تاں گیش ودینگ بیت۔ بزگر آنی گچین بے نظیر انکم سپورٹ پروگرام ءِ وسیلگ ءَ کنگ بیت، ایشی یے پکوئی ءَ نادرا کنت۔ سرکاری ھال رسانکی در آنی رد ءَ راجی وشھالی سروے ءِ وسیلگ ءَ گریبی ءِ ھوالگ ءَ ڈیٹا بیس آناں ھوار کنگ بیت۔ 2016 ءَ بگر تاں 2018 ءِ ساھت ءَ اے پروگرام ءِ اولی بھرے بنگیج کنگ بوتگ ایشی ءِ مول ءُ مراد گریب ءُ بزگریں ھاندان آناں آسراتی پجارینگ انت۔ اے پروگرام ءِ وسیلگ ءَ نادراھ آنی واستہ ھمک سال 50 ہزار وھدیکہ 2 لکھ 50 ہزار کلدار ھمے ھاندان ءَ را پجاری کنگ بوھگ ءَ انت۔ ایشانی تہ ءَ 7 ٹوھیں نادراھی آناں ٹک ءُ نشان کنگ بیت۔ اے ساھت ءَ اے پروگرام سرجمیں ملک ءِ 38 ضلع آنی تہ ءَ بندات کنگ بوتگ ایشی ءِ رد ءَ 32 لکھ ھاندان آناں پجاری دیگ بوتگ۔ 2019 ءَ اے پروگرام ءِ دومی بھر ءِ بنگیج کنگ بوتگ، اے پروگرام ءِ چیر دستی ءَ انچیں نادراھی ھمائی کہ ھرچ ءُ درچ کم انت ھمک ھاندان ءَ را 60 ہزار کلدار وھدیکہ انچیں نادراھی ھمائی ھرچ ءُ درچ گیش انت، آئی رد ءَ ھمک ھاندان 3 لکھ کلدار دیگ بیت ءُ ایشی کار رپک 92 لکھ ھمک ھاندان ءَ تاں ودینگ بوتگ۔ اے پروگرام آزات جموں کشمیر ءَ ھوار گلگت بلتستان، پنجاپ ، تھرپارکر ءُ خیبر پختونخوا ءِ پشمندگیں ضلع آنی ضلورت مندیں ھاندان آناں آسراتی پجاری کنگ ءَ انت۔ راجی جان سلامتی کاٹ ءِ پروگرام ءَ مریض آناں آپریشن، دل ءِ نادراھ آناں سٹنٹس پر کنگ، کینسر ءِ نادراھ آناں دوا ءُ درمان کنگ، نیوروسرجیکل پروسیجر، سُتکگیں مردم آناں دوا ءُ درمان کنگ، وئیل ءَؒ چہ ٹپیگ بوتگیں مردم ، گردا ءِ نادراھ آنی واستہ ڈائیلاسز، ایمرجنسی ءِ آسراتی ءُ ایندگر المی ایں جان سلامتی کمک ءِ پجاری کنگ بیت وھدیکہ زالبول آںی واستہ میٹرنٹی پیکج پجاری کنگ بوتگ۔ گوزوکیں مالی سال ءِ ساھت ءَ بنجاھی حکومت کوشست کنگ ءَ انت اے پروگرام ءِ کار رپک آزات جموں کشمیر ءِ 12 لکھ ھاندان آناں تاں رسینگ بیت۔ مزن وزیر ءِ ھاسیں کمکار برائے راجی ہیلتھ سروسز ڈاکٹر فیصل سلطان ءَ گوشت کہ مزن وزیر ءِ ھمک مردم ءِ جان سلامتی کوریج ویژن ءِ چیر دستی ءَ وزارت نیشنل ہیلتھ سروسز ءَ صوبگ ءُ دمگ ءِ شریکدار آں جان سلامتی آسراتی پروگرام ءَ را شاھیگان کنگ ءِ واستہ ھمک رنگیں کمک ءِ پجارینگ ءِ دل یکیمی داتگ۔ مریض آنی دل یکیمی ءَ چہ سہرا بوتگ کہ 97.5 درسد دلبڈیں کساس سہرا بوتگ۔ استیں حکومت ءَ جان سلامتی پروگرام ءَ را قبائلی دمگ آںی تہ ءَ تاں رسینتگ۔ نادرا ءِ گوما رجسٹرڈ بوتگیں کودک ءُ اسپیشلیں مردم آں تاں نزیکی کنگ ءِ آسراتی رسیت۔ پروگرام ءِ ارزشت ءِ رد ءَ پاکستان تحریک انصاف ءِ حکومت وتی منشور ءِ چیر دستی ءَ توامیں شہری الس آناں جوانیں آسرتی پجاری کنگ ءِ واستہ سرجمیں پاکستان ءَ جان سلامتی آسراتی پروگرام ءِ چیر دستی ءَ جان سلامتی انصاف کارٹ پروگرام ءَ را شاھیگانی دنت انت۔ اے پروگرام ءِ چیر دستی ءَ گریب ءُ بزگریں ھاندان آناں انڈور ہیلتھ کیئر سروسز ءِ واستہ مپت ءَ ہیلتھ انشورنس پجاری کنگ ءَ انت۔ آئی ءَ گوشت کہ مریض آنی دوا ءُ درمان ءَ چہ پد ایشاناں گس ءَ رسینگ ءِ واستہ ٹرانسپوریشن ءِ آسراتی ھم پجاری کنگ بیت۔
