گلگت  ءِ  الس ءَ پاکستان تحریک انصاف   ءَ را سک باز  نامداری داتگ، اپوزیشن ءِ گشتانک ءُ بیان آں چہ ھمے سما بیت آ واں شکست  ءَ را  دھاندلی  ءِ نام  ءَ دیاں، بنجاھی وزیر اھوالکاری ءُ شنگ کاری سینیٹر شبلی فراز  ءِ پریس کانفرنس

اسلام آباد۔14نومبر  (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ گلگت بلتستان ءِ الس آں  پاکستان تحریک انصاف    ءَ را باز نامداری داتگ، اپوزیشن  ءِ  گشتانک ءُ بیان    آں چہ ھمے سما بیت کہ آ شکست  ءَ را دھاندلی ءِ نام ءَ دیاں،  اے سیٹ ءِ گرگ ءِ واستہ گنوک انت،  ایشانی سسا ساچ جمہوری نہ انت، جمہوریت  ءِ   پوشاک    ءِ تہ ءَ مسلم لیگ ن گچین بوتگیں حکومت ءِ ھلاسی ءِ واستہ گیر کانودی کار رپک آں وتی کنگ ءَ انت،  کورونا ءَ ابید معاشی جاور ھال گہتری ءِ نیمگ ءَ رھادگ انت،  سامان آنی نیاد  آنی تہءَ کمی  ءِ واستہ  گامگیج جاڑی انت، سیاسی  ھلاپ کنوکیں مردم نہ وشیں  زبان کارمرد کنگ ءَ انت۔  اے مردم کرپشن کنگ ءِ واستہ سروکی ءُ سیٹ  ءَ لوٹگ ءَ انت  ایش وتی دولت ءِ بچارینگ ءِ واستہ  الس ءَ را بے وقوف کنگ ءِ کوشست ءَ  انت۔  اے ھیالانی درشانی آئی ءَ شمبے ءِ روچ ءَ پریس انفارمیشن ڈیپارمنٹ  (پی آئی ڈی) ءَ پریس  کانفرنس ءَ گوں گشتانک دیان ءَ کت۔  بنجاھی وزیر ءَ گوشت کہ  درستاں چہ پیسر گلگت  ءِ  الس  آنی شگر ءُ منت ءَ گراں  ھمے وڑ ءَ  آئی ءَ گچین کاری گامگیج ءَ را چلائینتگ ءُ  اے گامگیج ءِ  تہ ءَ  بھر زوری کتگ۔  آئی  ءَ گوشت کہ گلگت بلتستان ءَ توامیں سیاسی گل آں گچین کاری گامگیج ءِ تہ ءَ بھر زوری  کتگ، گلگت بلتستان ءِ الس آں تحریک انصاف ءَ را سک باز  شاھیگانی داتگ ءُ پی ٹی آئی سروک آنی جوانی ءَ گوں وش  اتک کنگ اے گپ ءِ درشان انت کہ الس  آں الیکشن ءَ چہ پیسر پیسلہ کتگ۔  وزیر ءِ   اھوالکاری  ءَ گوشت کہ گلگت  ءِ الس  پی ٹی آئی ءِ مچی  ءَ   ھمے سہرا  بوتگ کہ دمگ ءِ جیڈھ آنی گیواری ءِ واستہ  لستیں  کار  کنگ لوٹاں۔ اے ھیالانی درشانی آئی  ءَ شمبے ءِ روچ ءَ  پریس انفارمیشن ڈیپارٹمنٹ (پی آئی ڈی) ءَ   پریس  کانفرنس ءَ گوں گشتانک دیان ءَ کت۔