تحریک انصاف ءِ حکومت تھانہ کلچر ءِ  مٹ کنگ ءُ السی آسراتی ءِ واستہ محکمہ پولیس ءِ نوکیں زمانگ ءِ  آسراتی پجاری    ءَ جاڑی دار ایت، ھاسیں کمکار  عثمان ڈار

اسلام آباد۔14نومبر  (اے پی پی): مزن وزیر ءِ ھاسیں کمکار برائے  ورنا عثمان ڈار ءَ گوشت کہ تحریک انصاف ءِ حکومت تھانہ کلچر ءِ مٹ ءُ بدلی ءُ السی آسراتی  ءِ واستہ محکمہ پولیس ءَ را نوکیں زمانگ ءِ استیں آسراتی  آنی پجاری  ءَ جاڑی دار ایت۔ انویسٹی گیشن ءِ کد ءُ بالاد ءَ  را اپ گریڈ کنان ءَ پنجاپ پولیس  ءِ کار رپک ءَ را گیش ودینگ، مئے اولی ترجی داتگیں کار آنی تہءَ ھوار انت۔ آ سیالکوٹ ءَ 7  ماڈرن پولیس اسٹیشن ءِ بنگیج ءِ موہ  ءَ میڈیا ءَ گوں تران کنگ ءَ ات۔ ھاسیں کمکار عثمان ڈاسر ءَ گوشت کہ پولیس اپسرگ آں الس ءَ را احساس  رکھینگ  پروگرام  ءِ دیمروئی ءُ  جیڈھ آنی گیواری ءِ واستہ    گوں وطن  دوستی ءَ کار کنگ لوٹ ایت  صوبگ ءَ کانود ءِ سروکی ءُ شہری  آناں  کرائم  ءَ چہ رکھینگ ءِ واستہ الس دوستیں پولیسنگ ءَ را دیمروئی دیگ بہ بیت۔  آئی ءَ گوشت کہ گوستگیں حکومت آں پولیس ءَ را سیاسی مول ءُ مراد آنی واستہ کارمرد کتگ بلے آسراتی پجاری  نہ کتگ۔   آئی ءَ گوشت کہ شہری آنی جان ءُ مال  ءِ رکھینگ مئے اولی زمہ واری انت۔