بھارت ریاستی ناشرکاری ءَ یک شلی ءَ  دست مانجن  سہرا بوھگ ءَ انت،  وزیر ءِ درئی کار ، ڈی جی آئی ایس پی آر

اسلام آباد۔14نومبر  (اے پی پی): وزیر ءِ درئی کار شاہ محمود قریشی ءَ گوشت کہ  پاکستان ءَ بھارت ءِ ناشرکاری ءِ کاروائی  آنی سروکی  کنگ ءَ بے کساس  درور  است انت ، بھارت ریاستی ناشرکاری ءَ  یک شلی ءَ گوں دست مانجن انت ءُ ایشرا   گیش دمینگ ءَ انت، بھارت ءَ ناشرکاری  گڈی سیم سر  آن انت، ایش سرجمیں دگنیا ءَ سہرا  بوتگ انت۔  دگنیا  ءِ درستاں چہ مستریں ٹوھیں جمہوریت ءِ  ٹوک ءَ کنوک  بھارتی ریاست   دیم پہ گنوکی ءَ گور جنگ ءَ انت۔  بھارت ءَ پاکستان  ءَ را  نہ وش  جوڑ کنگ ءِ منصوبگ جوڑ کتگ  ایشی ءِ بابت ءَ میاں اوستمانی برات  آناں وھد  وھدے سر ءَ  سرپد ءُ سئیگ کتگ، بھارت ءِ ریاستی  ناشرکاری  آنی بابت ءَ گیش ھاموش بوھگ  نہ کہ پاکستان  ءُ نہ کہ  زرباری ایشیا ءِ  واستہ سیت ایگ انت۔  زر باری ایشیا ءَ ایمنی ءُ برجائی ءَ پاکستان ءِ کرد ءَ را  بھارت سگ  ءُ اوپار کت نہ کنگ ءَ انت۔  وزیر ءِ درئی کار شاہ محمود قریشی ءَ شمبے ءِ روچ ءَ ادا پاک اُرد ءِ شوبگ  (آئی ایس پی آر) ءِ ڈائریکٹر جنرل میجر  جنرل بابر افتخار ءِ ھمبراھی ءِ پریس کانفرنس ءَ گوں گشتانک دیان ءَ کت۔ اے موہ ءِ سر ءَ پاکستان ءَ ناشرکاری ءِ کاروائی ءَ بھارتی  ادارگ  آنی دست مانجن بوھگ ،   ناشرکاریں گل آناں کمک  پجارینگ،  ناشرکار آناں ٹریننگ دیگ  ءُ  وتاس پجاری ءَ ابید ملک ءِ جتا جتائیں بھر آنی تہ ءَ ٹارگٹس  آنی نشان دیگ ءُ  زر  آنی  شنگ ءُ تالان کنگ ءِ  پروف پیش کنگ بوتگ انت۔   ایشی ءَ ابید پریس کانفرنس ءَ ناشرکاری ءُ بھارتی چیر یں ایجنسی آنی کارندہ آنی گپ ءُ تران ءِ ریکاڈنگ  ءُ ویڈیو ھم میڈیا ءِ گوما شئیر کنگ بوتگ انت۔  وزیر ءِ درئی کار ءَ میاں اوستمانی برات آنی سر ءَ زور پر دات کہ بھارت ءِ ریاستی ناشرکاری،  میاں اوستمانی کانود  آنی ھلاپ کنگ  ءَ گامگیج   کنگ بہ بیت۔  وزیر ءِ درئی  کار  شاہ محمود قریشی ءَ گوشت کہ 11/9  ءَ چہ پد دگنیا ءَ  دیستگ کہ پاکستان ناشرکاری ءِ ھلاپ ءَ فرنٹ لائن  سٹیٹ ءِ  بستار ءَ کرد پیلو کنگ ءَ انت  اے گپ ءَ را منگ  ھم بوتگ۔  آئی ءَ گوشت کہ پاکستانی آں   19130 ناشرکاری ارش سگ ءُ اوپار  کتگ ءُ ایشانی گوما دیم پہ  دیمی کتگ،  ایشاں چہ 83 ہزار مردم  ٹپیگ ءُ 32 ہزار  شہید بوتگ انت۔  ایشانی تہ ءَ 23 ہزار سویلین شہری ءُ  9 ہزار ءِ نزیک  کانود مھکم داروکیں   ادارگ آنی ورنا  ءُ اپسرگ شہید بوتگ انت۔  اگاں مالی تاوان آنی سر ءَ چار ءُ بچار کنگ بہ بیت  گڈا پاسکتان ءَ را 126 ارب ڈالر ءَ چہ گیش معاوشی تاوان بوتگ وھدیکہ  معاشی موہ آنی تاوان ءِ اچ اندازگ  جنگ  بوت نہ کنت۔  آئی ءَ  گوشت کہ دگنیا زانت کہ  وھد ءِ پاکستان میاں اوستمانی ایمنی ءِ واستہ کوشست کنگ ءَ انت گڈا بھارت  پاکستان ءِ ناشرکار آنی جال  ءِ جوڑ بوھگ ءَ  بوتگ۔ بھارت پاکستان ءِ ھلاپ ءَ  ناشرکاری ءِ واستہ وتی سرزمین  ءَ کارمردم  کنگ ءُ ایشی کش ءُ کرے ملک  ھم کاروائی آنی تہ ءَ دست مانج بوتگ انت۔  آئی ءَ گوشت کہ مئے  کرا بے کساس  پروف است انت ایشاناں میاں اوستمانی برات آنی دیم ءَ پیش  کنگ ءَ آں۔  آئی ءَ گوشت کہ  بھارت وتی ناکامی آنی چیر دیگ ءِ واستہ ایل او سی ءِ سر ءَ فائرنگ کنت، آئی ءَ گوشت کہ  زیک بھارت ءِ فائرنگ ءِ پسو ءَ بھارت ءَ مزنیں کساس ءَ جانی ءُ مالی تاوان رستگ۔ اے موہ ءِ سر ءَ وزیر ء، درئی کار شاہ محمود قریشی ءُ ڈی جی  آئی ایس پی آر  میجر جنرل بابر افتخار ءَ میاں اوستمانی برات  آنی سر ءَ زور پر دات کہ بھارت ءَ ناشرکار آنی کمک ءُ ریاستی ناشرکاری ءِ گامگیج آنی ھلاپ  ءَ  کاروائی  کنگ بہ بیت۔  آئی  ءَ گوشت کہ  پاکستان توامیں  پروف  آناں یونائیٹڈ نیشن، او آئی  سی ، پی فائیو ءُ ایندگر ملک آناں پجارینگ ءَ انت تانکہ پڑے  ایمنی ءُ برجائی  ءِ   اھوال  آواں سر بہ بیت۔  میاں اوستمانی برات پاکستان ءَ ناشرکار آنی کمک ، میاں اوستمانی کانود آنی ھلاپ    کنگ ءِ رد ءَ بھارت ءِ سر ءَ کاروائی بکن انت ، چیا کہ بھارت وتی  زوراکی ءَ چہ کودکیں پاکستان آناں جانی تاوان رسگ ءَ انت۔ آئی ءَ بھارت ءِ  گنوکی  ءَ را میاں اوستمانی کانود  ءُ یونائیٹڈ نیشن ءِ کنوینشنز آنی ھلاپ کنگ ءِ  پد ءَ  لوٹ  کنان ءَ گوشتگ کہ میاں اوستمانی برات  بھارتی  ایجنڈا آنی   گر ءُ دار  کنگ ءِ ھوالگ ءَ گامگیج بکن انت۔