تربت۔ 13 نومبر (اے پی پی) وزیراعظم عمران خان تربت اٹی 200کٹ آتیا تالان ٹٛچنگ ہسپتال، چندی شاہراہ و ایلو شونداری ڈٹ آتابنداو ءِ تخا و بناءِ کرے۔ وزیراعظم میڈیا آفس نا رداٹ جمعہ نادے آ وزیراعظم تربت ایئر پورٹ نا ودکی، 200 کٹ آتیا تالان مکران میڈیکل ٹیچنگ ہسپتال تربت، یونیورسٹی آف تربت نا فیز IIو ایم۔8 نا 146 کلومیٹر ہوشاب۔آواران سیکشن نا بنداوءِ تخا۔ داٹی وزیراعظم ءِ این۔ 30 انا 106 کلومیٹر دورویہ بسیمہ۔ خضدار روڈ آ پیش رفت و سویلی بلوچستان کن شونداری پیکج نا بارواٹی حوال تننگا۔ وزیراعظم دا دورہ ٹی چوری و مسکین چناتیکن دارالاحساس نا بناءِ کرے ہراٹی حقدار چناتے مفت ہنکین، کُن وخور و تعلیم نا آسراتی فراوان کننگک۔ وزیراعظم وسیلہ تعلیم پروگرام نا رداٹ پرائمری اسکول نا مسن و حقدار انڈر گریجویٹس آتیکن احاس ایجوکیشنل اسکالر شپ انا ہم بناءِ کرے۔
