اسلام آباد۔ 13 نومبر (اے پی پی) وزیراعظم نا خصوصی کمکار اوورسیز پاکستانی زلفی بخاری پارینے کہ پاکستان تحریک انصاف نا حکومت گلگت بلتستان اٹی تینا حکومت ءِ جوڑ کننگ کن مخالف جماعت آتا مقابلہ ٹی زیات سوگو پوزیشن اٹی ءِ۔ نجی ٹی وی چینل تون گپ وتران کرسا اوپارے کہ حکومت نا جوڑ کننگ آن پد تحریک انصاف گلگت بلتستان ءِ صوبائی حیثیت اس ایتک و اونا کماشی ڈیہہ نا شونہالی کن برجا میگا ڈویلپمنٹ ڈٹ آتے پورو کننگ نا ہروڑ کوشست کیک۔ اوپارے کہ تحریک انصاف گلگت بلتستان نا الس نا حق انا رکھ ءِ کیک ہراٹی حکمرانی نا حق، جائیداد نا حق و روزگار نا حق اوار ءِ۔ اوپارے کہ پاکستان تحریک انصاف نا حکومت حزب اختلاف ءِ بھلو گیشتری اسے اٹ شکست تننگ نا سوگو پوزیشن اٹی ءِ۔ اوپارے کہ بنجائی حکومت گلگت بلتستان اٹ سیل و سوات نا مون آ دننگ کن پبی گام گیج کننگ ءِہراڑے گلگت بلتستان نا شونداری کن شونداری فنڈہم جاری کننگک۔ زلفی بخاری پارے کہ گلگت بلتستان نا مخلوق تینا آئینی حق انا چاری ءُ و تحریک انصاف تینا جہد اٹ گلگت بلتستان نا الس تون سلوک ءِ۔
