اسلام آباد۔ 13 نومبر (اے پی پی) چین پاکستان اقتصادی راہداری (ڈٹ) انا رداٹ اینخو سال پاک چین شریداری ءِ پین سوگوی ملک و ہڑتوم آ کنڈآتا کمکاری نا مزل طے مریک، ارٹ میکو ریسہ السی راجی آسراتی تون تعلق تخک ہراٹی 27 ڈٹ آتیا کاریم کننگ انگ ءِ۔ سی پیک اتھارٹی نا کمامدارآتارداٹ بروک آ ریسہ نا رداٹ چار اہم بشخ آتیٹی پیش رفت کننگک ہرافتے ٹی اولیکو بشخ صنعت تون تعلق تخک وخت اس کہ ایلو بشخ آتیٹی کشت وکشار، زرگزرانی بشخ انا شونداری و سائنس و ٹیکنالوجی اوار ءِ۔ پاک۔ چین سٹریٹجک شریداری دے پہ دے سوگوی نا کنڈآ ہِننگ ءِ و داہم اسہ حقیقت اسے کہ دا شریداری جہانی و مچ آ ڈیہہ ٹی بھاز اہمیت تخک وخت اس کہ دا آخبت اٹ پین سوگو مریک۔
