اسلام آباد۔ 13 نومبر (اے پی پی) رومانیہ ٹی تیار کروک پاک بحریہ نا جہاز پی این ایس تبوک پاک بحریہ نا بحری بیڑہ ٹی اوار مس۔ دا جہاز انا اوار مننگ آن سمندری باندات آتا رکھ اکن پاک بحریہ نا لائخی تیٹی پین ودکی مریک، پی این ایس تبوک نا کمشننگ دود رومانیہ ٹی اڈ ہلک۔ ترجمان پاک بحریہ نا رداٹ پی این ایس تبوک پوسکن آ ازباب و ٹیکنالوجی آن شُپ ءِ۔ پی این ایس تبوک چندی نیول آپریشن سرتننگ و ہیلی کیپٹر و ڈرون دننگ نا لائخی تخک۔ وزارت دفاعی پیداوار و ڈامن شپ یارڈ انا نیام اٹ پاک بحریہ کن اِرا جہاز آتا تیاری نا معاہدہ طے مسوسس۔ ہنداوڑنا اولیکو جہاز پی این ایس یرموک مہالو آن پاک بحریہ ٹی اوار مسنے۔ جہاز انا کمانڈنگ آفیسر دا جہاز انا تیاری آ ڈامن شپ یارڈ انا کمک و کسبی لائخی تا ستاءِ کرے۔ دود اٹی پاکستانی کمامدار و ڈامن شپ یارڈ انا انتظامیہ ساڑی ئسر۔

متعلقہ مضامینمصنف کی طرف سے مزید