راولپنڈی۔ 13 نومبر (اے پی پی) بھارتی فوج اسہ وار ولدا کنٹرول لین نا رکھ چکری و خانجر سیکٹر آ خارتس سم کاری کرسا شاری آبادی ءِ شست کرے، خارتس سم کاری آن اسہ شاری اس شہید وخت اس کہ 2 زالبول تون اوار 3 شاری ٹھپی مسر۔ پاک فوج انا شعبہ تعلقات عامہ (آئی ایس پی آر) نا ڈائریکٹر جنرل میجر جنرل افتخار بابر نا جمعہ نا سہب اتون ٹویٹ نا رداٹ بھارتی فوج انا کنڈآن جنگ بندی معاہدہ نا خلاف ورزی ءِ کرسا ایل او سی نا خڑک تاری بند و سماہنی سیکٹر اٹی شاری آبادی آ خارتس سم کاری ٹی راکٹ و مارٹر آتے کاریم اٹ اتنگا۔ پاک فوج پبی ورندی ترسا ہمو بھارتی چوکی تے شست کرے۔
