اسلام آباد۔ 13 نومبر (اے پی پی) اسپیکر قومی اسمبلی اسد قیصر پارینے کہ چین پاکستان اقتصادی راہداری سی پیک علاقائی رابطہ غاتے مون آ دننگ نا اسہ ذریعہ اسے۔ سی پیک نئے بیرہ پاکستان بلکن مچ آ و نیامی و سویلی ایشیاء ٹی رابطہ غاتے مون آ دیک، دا ڈٹ آن چین و پاکستان آن بیدس ایران، اوغانستان، بھارت، نیامی ایشیائی ریاست و ڈیہہ نا ایلو ملک آک فائدہ ہرفرہ، پاکستان ڈیہہ ٹی امن، شونداری و زرگزرانی سوگوی نا خواہشمند ءِ۔ داخیال آتا درشانی ءِ او جمعہ نادے آ پارلیمانی کمیٹی اقتصادی راہداری نا کنڈآن سی پیک نا بابت اڈ ہلوک آ مکالمہ نا بنائی دود آن تران کرسا کرے۔ مکالمہ نا سرحال سی پیک نا رداٹ زرکاری، واپار و السی رابطہ غاتا مون آ دننگ اٹ پارلیمان نا کڑد ءِ۔ اسپیکر قومی اسمبلی اسد قیصر پارے کہ چین پاکستان اقتصادی راہداری سی پیک علاقائی رابطہ غاتے مون آ دننگ نا اسہ ذریعہ اسے۔ سی پیک نئے بیرہ پاکستان بلکن مچ آ نیامی و سویلی ایشیاٹی رابطہ غاتے مون آ دیک۔ اوپارے کہ دا ڈٹ آن چین و پاکستان آن بیدس ایران، اوغانستان، بھارت ، نیامی ایشیائی ریاست و ڈیہہ نا ایلو ملک آک فائدہ ہرفرہ۔ پاکستان ڈیہہ ٹی امن،شونداری و زرگزرانی سوگوی نا خواہندار ءِ۔ ون بیلٹ اینڈ روڈ گام گیج نا رداٹ سی پیک چندی ریاست آتا اوار مننگ نا کمک اٹ علاقائی رابطہ غاتے مون آ دننگ نا موقع فراوان کیک۔ اسد قیصر پارے کہ خیبرپختونخوا چین ءِ اوغانستان و نیامی ایشیائی ریاست آتون گنڈنگ نا اسٹ انگا ذریعہ ءِ۔ خیبرپختونخوا پاکستان و چین ہڑتوم آتیکن واپار نا پوسکن ءُ کسر ملک۔ آخبت اٹ خیبرپختونخوا تینا جغرافیائی اہمیت نا سوب اہم واپاری مرکز مریک۔ پاکستان سی پیک ڈٹ انا زوت پوروی کن کوشست کننگ ءِ۔ اوپارے کہ ہندا تُو رشکئی اقتصادی زون نا بنامننگ والا ءِ ہرا صوبہ ٹی زرکاری و روزگار نا پوسکن ءُ وارخواہی فراوان مریک۔ پارلیمان کانود سازی و چاروکی نا اختیار نا رداٹ اسہ مثبت ءُ کڑد اس ادا کننگ ءِ۔ سی پیک ڈٹ آتا گچین چاروکی و اوفتیا عملدرآمد ءِ پک کننگ کن پارلیمانی سی پیک جوڑ کننگانے۔ پشاور ءِ انشاء اللہ سی پیک نا رداٹ برجا ڈٹ آتا کمک اٹ سویلی ایشیائی ملک آتیٹی واپار نا مرکز اس کینہ۔ دا ڈیہہ دہشت گردی نا برخلاف جنگ و اوغان جنگ انا سوب آن بھاز زیات زہمی مس۔ اوپارے کہ پاکستان اوغانستان تون خڑکی برادرانہ تعلقداری تے پین ودفنگ نا خواہندار ءِ۔ تدوک آ تُو کنا سلہ غا اوغانستان وولسی جرگہ نا اسپیکر پارلیمنٹ نا باسک آک و واپاری برادری تون اوار پاکستان نا دورہ ءِ کریر۔ دسمبر اٹی اوغانستان نا دورہ ءِ کننگ نا ارادہ تخیوہ۔ اوغانستان سی پیک اٹ اوار مننگ کن آمادگی نا درشانی ءِ کرینے ہرا ستاکڑزک۔
