اسلام آباد۔12نومبر (اے پی پی): وزیر ءِ درئی کار مخدوم شاہ محمود قریشی ءَ گوشت کہ بھارت وتی کسد ءُ کینگی گامگیج آنی سبب ءَ کشمیر ءَ ھوار سرجمیں پڑے واستہ یک ترس ءُ بیم ءِ جوڑ بوتگ۔ ترجمان درئی کارانی کارگس ءِ رد ءَ وزیر ءِ درئی کار ءَ پنچ شمبے ءِ روچ ءَ اسلامی کمکی گل (او آئی سی) ءِ سیکرٹری جنرل ڈاکٹر یوسف العثیمین ءَ را ٹیلی فون کت۔ گپ ءُ تران ءِ ساھت ءَ اسلاموفوبیا ، بھارت ءِ نیمگ ءَ مقبوضہ جموں کشمیر ءَ جاڑیگیں بنی آدمی ھک آنی لگت مالی ءَ ھوار وت مہ وتی واھگی کار آنی سر ءَ ھیال ریچی کنگ بوت۔ وزیر ءِ درئی کار ءَ گوشت کہ پاکستان ، او آئی سی ءِ جوڑیشتکاریں باسک آنی بستار ءَ ، مسلمان آنی استیں جیڈھ آنی گیواری ءِ واستہ، او آئی سی ءَ را یک ارزشتی ایں پلیٹ فارم پجاری کنت۔ آئی ءَ گوشت کہ بازیں ملک آنی اندر ءَ اسلامو فوبیا ءِ گیش بوھوکیں واکیہ آنی سر ءَ نہ وشی ءِ درشان کت۔ شاہ محمود قریشی ءَ گوشت کہ بھارت وتی کسد ءُ کینگی گامگیج آنی سبب ءَ کشمیر ءَ ھوار سرجمیں پڑے واستہ یک ترس ءُ بیم ءِ جوڑ بوتگ۔ آئی ءَ گوشت کہ او آئی سی ءِ نیمگ ءَ مقبوضہ جموں کشمیر ءَ جاڑیگیں بھارتی ظلم آنی ھلاپ ءَ دیم ءَ سہرا بوھوکیں ایر جنگی بیان لائک ءِ ستا ءُ توسیپی انت۔
