بھارتی کلانی ایں  سفارتکار  ءَ را درئی کارانی  کارگس ءَ  گوانک جتگ ءُ ایل او سی ءِ  رکھ چکری سیکٹر ءِ سر ءَ جنگ بندی ءَ ابید کور ءُ کائی تیر گواری ءِ سر ءَ  جاک ءُ کوکار  ریکاٹ کنائینتگ،  ترجمان درئی کارانی کارگس

اسلام آباد۔12نومبر  (اے پی پی):بھارتی کلانہ ایں  سفارتکار ءَ را درئی  کارانی   کارگس ءَگوانک جتگ ءُ ایل او سی ءِ رکھ چکری سیکٹر ءِ سر ءَ  جنگ بندی ءَ ابید کور ءُکائی تیر گواری ءِ سر ءَ جاک ءُ کوکار  ریکاٹ کنائینتگ۔ بھارتی فوج ءِ کور ءُ کائی تیر گواری ءِ نتیجگ ءَ  کرنی گائوں ءِ 26 سالی صغیر احمد بیگناہ شہری  سک باز ٹپیگ بوتگ۔ آدینگ ءِ روچ ءَ ترجمان درئی کارانی کارگس ءِ رد ءَ  کلانہ ایں بھارتی سفارتکار ءَ را درئی کارانی کارگس ءَ گوانک جنگ ءُ  جاکی کاگد آئی یے ھوالگ ءَ  کت انت ءُ گوشت کہ  زوراکیں بھارتی اُرد ایل او سی  ءُ ورکنگ باونڈری ءِ یک شل ءَ ھلاپ ءَ کنان ءَ آرٹلری،  ٹوھیں وتاس   آنی وسیلگ ءَ لس شہری آباتی آناں نشانگ بندگ ءَ انت۔  بھارتی سفارتکار ءَ گوشگ بوت کہ شہری آباتی آناں کسداََ  نشانگ بندگ بوھگ ءَ انت ایش مزنیں اپسوزی گپ ات۔  بھارت ءِ نیمگ  ءَ جنگ بندی ءِ ھلاپ کنگ ءَ چہ دمگی ایمنی ءُ سلامتیءَ را ٹوھیں ترس ءُ بیم  است انت  ایشانی آسر سٹریٹیجک ردئی ءِ رنگ ءَ ڈن ءَ در کپت کنت۔