اسلام آباد۔12نومبر (اے پی پی): مزن وزیر عمران خان ءَ گوشت کہ ملک ءَ آئی ٹی ءِ شوبگ ءَ پراھ ءُ شاھیگانیں ازمکاری است، ملک ءِ ضلورت آنی پیلو کنگ ءُ آئی ٹی ءِ سامان آنی برآمدی پڑے گیشی ءِ واستہ اے ازمکاری ءَ چہ سیت چست کنگ ءِ ضلورت انت۔ اے ھیالانی درشانی آئی ءَ پنچ شمبے ءِ روچ ءَ ادا ملک ءَ ھاسیں ٹیکنالوجی زون ءِ زون ءِ جوڑیشت ءِ ھوالگ ءَ دیوان ءِ سروکی ءَ کنان ءَ کت۔ مزن وزیر ءَ گوشت کہ ملک ءِ ورنا آناں ڈلگچار کتگیں آئی ٹی ءِ شوبگ ءِ دیمروئی ءَ چہ گیشاں چہ گیش سیت چست کناں۔ مزن وزیر ءَ گیر ملکی سرمایہ کاری ءِ در جنگ ءِ واستہ ھاسیں ٹیکنالوجی زون آنی جوڑیشت ءِ سر ءَ ھاسیں آسراتی آناں پکوئیں رنگ دیگ ءِ پنت ءُ شون کت۔ آئی ءَ گوشت کہ بازیں ازمکاریں اوورسیز پاکستانی ھم اے شوبگ آناں سرمایہ کاری کنگ لوٹاں۔ دیوان ءَ مزن وزیر ءِ مشیر ءِ ھزانگ ڈاکٹر عبدالحفیظ شیخ، مزن وزیر ءِ ھاسیں کمکار ڈاکٹر وقار مسعود، گورنر سٹیٹ بینک رضا باقر ءُ ایندگر ٹوھیں اپسرگ آں بھر زوری کت۔
