اسلام آباد۔ 12 نومبر (اے پی پی) پاکستان اٹی اقوام متحدہ نا ادارہ پناہ گزین(یو این ایچ سی آر) یورپی امداد و ایلو کمکی ادارہ غاتا کمک اٹ پاکستان اٹی کورونا دین آن زہمی مروک آ اوغان پناہ گزین تے نغد ہلہلہ ئی امداد فراوان کرینے۔ یو این ایچ سی آر پاکستان نا کنڈآن جاری بیان نا رداٹ دا امداد پاکستان اٹ کورونا دین آن زہمی مروک آ 50 ہزار حقدار خاہوت آتے فراوان کننگ انگ ءِ۔ وخت اس کہ دانا ہدف 70 ہزار اوغان پناہ گزین تے امداد نا فراوانی ءِ۔ پاکستان اٹی دا امداد پاکستان پوسٹ نا کمک اٹ تننگ انگ ءِ۔
