اسلام آباد۔ 12 نومبر (اے پی پی) صدر مملکت ڈاکٹر عارف علوی کراچی پورٹ ٹرسٹ انا درخواست ءِ مسترد کرسا’’ وزیراعظم کمکی پیکج‘‘ نا رداٹ جنوزان ءِ نوکری اس تننگ نا پرمان کرے۔ پنچ شنبے نادے آ ایوان صدر نا میڈیا ونگ آن جاری جاری بیان نا رداٹ صدر مملکت بنجائی محتسب نا جنوزان ءِ نوکری تننگ نا فیصلہ ءِ برقرار تخا۔ صدر مملکت کراچی پورٹ ٹرسٹ انا جنوزان نا وئی نا زیات مننگ نا عذر ءِ مسترد کرے۔ کراچی پورٹ ٹرسٹ جنوزان ءِ 35 سال آن زیات وئی انا سوب آن ملازمت تننگ آن انکار کریسس۔ کراچی پورٹ ٹرسٹ وئی نا حد اٹ نرمی نا اختیار تخنگ آن پد ہم غاو تروکءِ نرمی تتو۔ اسٹیبلشمنٹ ڈویژن نا مراسلہ نا رداٹ ایماندار سرکاری ملازم آتا جنوزان آتے 50 سال نا وئی اسکانم کنٹریکٹ ملازمت تننگ مریک۔ جنوزان ءِ ملازمت آن انکار ناانصافی، غیر معقول، کانود نا برخلاف و بدانتظامی آ مبنی ءِ۔
