کوئٹہ۔ 11 نومبر (اے پی پی) گورنر بلوچستان امان اللہ خان یاسین زئی و چیئرمین پاکستان ریڈ کریسنٹ سوسائٹی ابرارالحق کوئٹہ ٹی پاک چین فرینڈ شپ ہیلتھ کیئر سینٹر نا بناءِ کریر۔ دا وخت آ اسلام آباد اٹی چین نا سفارتخانہ نا کمک اٹ پانڈا پروجیکٹ نا رداٹ اسکول آتا طالب علم آتیٹی بیگ بشخنگ تون ویل چیئرز ہم بشخنگا وخت اس کہ چین انا کمک اٹ خراب ایمبولینس آتا جوڑ جاڑ و 10 کٹ آتیا تالان پاک چین سنگتی ہیلتھ کیئر سینٹر اٹی پوسکن آ مشینری ہم ہلال احمر بلوچستان نا انتظامیہ نا حوالہ کننگا، ایئر پورٹ روڈ آ پاکستان ریڈ کریسنٹ بلوچستان نا دفتر اٹی اڈ ہلوک آ بنائی دود آن تران کرسا گورنر بلوچستان امان اللہ خان یاسین زئی پارے کہ پاکستان و چین نا تعلقداری و سنگتی ہرتدوک آ دے اتون سوگو مرسا کننگ ءِ کورونا دین انا و قدرتی آفت آتیٹی چین نا کمک ءِ گیرام کننگ مفک۔ اوپارے کہ سانحہ 8 اگست 2016 ٹی وکیل آتا بھلو کچ اسے ٹی شہیدی نا است ہسون سانحہ ءِ است آن دننگ ممکن اف اینو ہمو شہید وکیل آتا یات اٹی پاک چین ہیلتھ کیئر سینٹر نا جوڑ کننگ مستحسن امر اسے۔ سانحہ 8 اگست اٹ ننا بھاز انگا سینئر وکیل آک ننے آن ہمیشہ کن جتا مسنو ہرافتا خورکی وخت اس ہم پُر مننگ کپک، اوپارے کہ بحیثیت چیف جسٹس آف بلوچستان کنا کاریم عدالت اٹ الس ءِ ریلیف نا فراوانی و انصاف نا اصول ئس ولے گورنر بلوچستان نا منصب ءِ سنبھالنگ آن پد بھاز خڑک آن صوبہ نا چندی علاقہ غاتا الس نا ویل آتا اندازہ مس مستین اٹ بلوچستان نا جان جوڑی نا بشک اٹی خاطر خواہ کاریم متنے خلقی علاقہ غاتا مخلوق جان جوڑی و تعلیم نا آسراتی تتون کنوئی آ ساف دیر انا فراوانی نا خواست ءِ کیرہ، گورنر بلوچستان امان اللہ خان یاسین زئی پاک چین فرینڈ شپ ہیلتھ کیئر جدید سینٹر نا جوڑ کننگ آ پاکستان ریڈ کریسنٹ و چین انا منت واری ءِ ہرفسا پارے کہ چین انا حکومت کورونا دین اتون اوار ایلو قدرتی آفت آتا وخت آ مدام پاکستان و بلوچستان نا مخلوق تون ہروڑنا ممکن کمک کرینو، دود آن تران کرسا پاکستان ریڈ کریسنٹ نا چیئرمین ابرار الحق پارے کہ بلوچستان اٹی ادارہ غاتا گچینی و الس نا زند انا آب ءِ بڑز کننگ کن چندی بشخ آتیٹی کاریم کننگ نا گرج ءِ کوئٹہ ٹی ہیلتھ کیئر سینٹر نا جوڑ کننگ اٹ کمکاری آ چین حکومت نا منت وار اُن انتئے کہ پاکستان اٹی ہراتم زمی جمب، نوکاپ بسنے تو چین انا حکومت و الس پاکستان تون نئے بیرہ یکجہتی نا درشانی ءِ کرینے بلکن مشکل وخت اٹی پبی کمک فراوان کرینے، اوپارے کہ پاکستان ریڈ کریسنٹ بلوچستان اٹی ہر بشخ اٹی کاریم نا گرج آتے مون آ تخسا کمک کیک و کنا کوشست مریک کہ بلوچستان کن کاریم کیو انتئے کہ مستین اٹ داجاگہ نا الس ءِ گوجالنگا۔ اوپارے کہ پاکستان ریڈ کریسنٹ خلقی و پسماندہ علاقہ غاتا الس نا آب ءِ بڑز کننگ کن کوشست کننگ ءِ داڑکن المی ءِ کہ کوئٹہ نا ہیلتھ کیئر سینٹر کن صوبائی حکومت و سخیک کمک کیر تانکہ جان جوڑی نا آسراتی کن بھاز زوت پاک چین فرینڈ شپ ہیلتھ کیئر سینٹر ءِ ماڈل ہسپتال اسے ٹی بدل کننگ مرے۔
