اسلام آباد۔ 11 نومبر (اے پی پی) وزیراعظم نا خصوصی کمکار امور نوجوانان عثمان ڈار حزب اختلاف نا دھاندلی نا دوبہ ءِ مسترد کرسا پارینے کہ تحریک انصاف گلگت بلتستان نا گچین کاری تیٹی پیدوار گیشتری اٹ سرسہبی دوئی کیک انتئے کہ الس ءِ وزیراعظم عمران خان نا سرسہب پالیسی تیا بھاز پت ءِ۔ چارشنبے نادے آ نجی ٹی وی چینل تون گپ وتران کرسا اوپارے کہ وڈی خور مخالفین گلگت بلتستان گچین کاری تیٹی وزیراعظم عمران خان نا پنی مننگ آن خوفزدہ ءُ ہنداخاطرآن اونا برخلاف مہم جوئی و سیوت کرینو۔ اوپارے کہ گلگت بلتستان نا گچین کاری تیٹی مخالف آک تحریک انصاف ءِ شکست تننگ کپسہ۔ اوپارے کہ پاکستان پیپلزپارٹی (پی پی پی)و پاکستان مسلم لیگ (ن) مدام پنجاب و سندھ انا خاص علاقہ غاتیان وونٹ ہلکر ولے مستین اٹ گلگت بلتستان نا راجی آسراتی کن ہچ اس کتوس۔ عثمان ڈار باوری کرفے کہ آخبت اٹ گلگت بلتستان نا مخلوق پارلیمنٹ اٹی نمائندگی اتون ملک انا ایلو علاقہ غاتیانبار غٹ آئینی حق انا حقدار مریرہ۔ اواست ہسونی نا درشانی ءِ کرسا پارے کہ پیپلز پارٹی و مسلم لیگ (ن) کیہی دہائی تسکان گلگت بلتستان آ حکومت کریر ولے اونا شونداری کن کاریم کننگ نا جاگہ غا جند انا فائدہ غاتے دوئی کریر۔ اوپارے کہ گچین کاری مچی تیٹی پی ٹی آئی نا مخ تف آتا جم و جوش اٹ بخیر کننگا و ہندا سوب ءِ کہ ننا مخالف آتے ننا مقبولیت کیدنگ مفننگ ءِ۔ عثمان ڈار قوم آن خواست کرے کہ ملک انا کوویڈ۔ 19 نا پوسکن آ کیس آتیٹی ودکی مسنے مخلوق کورونا دین انا بابت رکھی گام گیج آتیا عمل کیر۔ اوپارے کہ الس تون اوار اوار سیاست دانک ہم خیال کیر و ہر سیاسی مچی تیا ہِننگ آن مست ماسک بینر۔ اوپارے کہ اگہ پاکستان آب اٹ آپریٹنگ وڑوڈول (ایس او پی) تیا عمل کرسا کرے تو کوویڈ۔ 19 نا ارٹ میکو لہر انا تالانی ءِ سرسہبی اٹ تورک۔ اوپارے کہ اسہ وخت اٹی سمارٹ لاک ڈاؤن و کاروباری ہند آتا ملنگ نا حکمت عملی بھلو سرسہبی اسے۔
