اسلام آباد۔ 11 نومبر (اے پی پی) پاک بحریہ نا سروک ایڈمرل محمد امجد خان پارینے کہ بحری سیم تا دفاع پاک بحریہ نا اولی زمواری ءِ و پاک بحریہ داڑکن ہروخت تیار ءِ، ملکی بحری سیم تا دفاع ٹی جوزہ اتون اوار اوار سلہہ و ازباب آتا پبی کاریم اٹ اتنگ ہم اہمیت نا حامل ءِ۔ او کریکس ایریہ نا دورہ ءِ کننگ نا وخت آ گپ وتران کریکہ۔ ترجمان پاک بحریہ نا رداٹ سجاول اٹی بریگیڈ ہیڈ کوارٹر آ بننگ آ کمانڈر کوسٹ وئس ایڈمرل زاہد الیاس چیف آف دی نیول اسٹاف ءِ بخیر کرے۔ پاک بحریہ نا سروک سویل دے ٹکی سیم اتون ساڑی مون نا مورچہ غاتا دورہ ءِ کرے و ہموڑے تعینات آفیسر و ورناتتون اوڑدہی کرے۔ امیر البحر ءِ کریکس ایریہ ٹی مون تروک خطرہ و پاک بحریہ نا آپریشنل تیاری تیا سرجم حوال ہم تننگا۔ نیول چیف مشکل موسمی حالیت و دشوار گزار علاقہ ٹی فرض انا انجام تننگ آ ورناتا حوصلہ و عزم انا ستاءِ کرے۔
