اسلام آباد۔ 11 نومبر (اے پی پی) پاکستان نا حکومت و الس پنی آفلسطینی راہشون و مذاکرات کار ڈاکٹر صائب عریقات نا کزیت آ غم انا درشانی ءِ کرسا پارینے کہ ڈاکٹر صائب عریقات نا امن و انسانی حق اکن جہد ءِ مدام یات تخنگک۔ چارشنبے نادے آ ترجمان دفتر خارجہ نا رداٹ پاکستان ڈاکٹر صائب عریقات نا کزیت آ غمزدہ خاہوت تون ہمدردی و ہڑزخواہی نا درشانی ءِ کرے و پارینے کہ نن تینا فلسطینی ایلم تا غم اٹی بریبر نا شریک اُن و دا مشکل وخت اٹی اوفتے تون سلوک اُن۔ ڈاکٹر صائب عریقات فلسطینی کاز انا چیمپیئن ئس ہرا حق خودارادیت کن فلسطینی الس نا روا جہد کن سرگرداں ئس۔ امن و انسانی حق اکن اونا جہد ءِ مدام یات تخنگک۔ پاکستان فلسطین نا ویل انا ایسری کن تینا آخبتی مخ تفی نا درشانیءِ کرسا پارینے کہ او فلسطین تون تینا برادرانہ تعلقداری ءِ پین سوگو کننگ کن سنبرینگوک ءِ۔
