اسلام آباد۔11نومبر (اے پی پی): میاں اوستمانی تک ءَ نامدار بوھوکیں احساس ایمرجنسی کیش پروگرام پاکستان ءِ تاریخ ءَ دراج تریں گہبودی رکھینگ ءِ وسیلگ جوڑ بوھان ءَ دیم ءَ سہرا بوتگ۔ کورونا وائرس ءِ ھوپ ءِ سبب ءَ لاک ڈائون ءِ نہ وشیں جاور آنی تہ ءَ احساس پروگرام ءَ چاگرد ءِ ھمزوریں تبک ءَ را وت مستر جوڑ کتگ۔ مزن وزیر عمران خان ءَ ملک ءَ کورونا وائرس ءِ ھوپ ءِ سوبب ءَ لاک ڈائون ءِ نتیجگ ءَ ھمزوریں تبک ءِ استیں معاشی مشکل آنی شوہاز کنان ءَ بزگر آنی ھمک روچ بزگری کنان ءَ روز گروکیں کار کنوک آناں یکم اپریل 2020 ءَ نگدی مالی کمک پجاری کنگ ءِ واستہ اے پروگرام ءِ بنگیج کتگ۔ اے پروگرام ءِ چیر دستی ءَ انوگ ءَ تاں ڈیڑھ کروڑ بزگریں ھاندان آناں 180 ارب کلدار زر بھر ءُ بانگ کنگ بوتگ وھدیکہ زر آنی دیگ ءِ کار اے مردم آنی واستہ انوگ ءَ تاں جاڑی انت، ایش بائیو میٹرک ءِ جیڈٖھ یا بزگر آنی بیران بوھگ ءِ سبب ءَ ایشاں کمک گپت نہ کتگ۔ ملک ءَ چار ءُ تپاسی ءَ چہ اے گپ سہرا بوتگ کہ ملک ءَ 24 ملین اے رنگیں مردم است انت کہ ھمک روچ کار ءُ بزگری کن انت۔ وھد ءِ اے کساس ءَ را ھاندان ءِ سائز ءِ گوما ھساب کنگ بوت کڈاس ملک ءَ اے وڑیں مردم آنی کساس 160 ملین بوت ایش ھواریں آباتی ءِ دومی بھر انت۔ احساس ایمرجنسی کیش پروگرام مزن وزیر عمران خان ءِ سساساچ ءُ بنجاھی کابینہ ءِ کمک ءَ چہ لاک ڈائون ءِ سبب ءَ چاگردی معاشی تاوان ءَ را ھلاس کنگ ءِ واستہ بندات کنگ بوتگ ءُ لاک ڈائون ءِ ساھت ءَ کاروبار بند بوھگ ءِ سبب ءِ مزوری ءَ چہ زبھر بوھوکیں گریبیں مردم آناں نگدی کمک ءِ پجاری ءِ توامیں رپک آناں کارمرد کنگ ءَ دلگوشی دیگ بوتگ۔ لاک ڈائون ءِ ساھت ءَ سک باز آماچ بوھوکیں مزور ءُ ھمک روچ روزنداری ءِ سر ءَ کار کنوکیں مردم آناں 8171 ءِ سر ءَ ایس ایم ایس کنگ ءِ گوشگ بوتگ ایشی ءَ چہ پد 139 ملین ایس ایم ایسو رستگ۔ دزبندی کنوک آںی سرجمیں ھال جتا جتائیں پیرا میٹرز آنی سر ءَ چار ءُ تپاسی کنگ بوتگ انت تانکہ گیشاں چہ گیش بزگر آناں ساپ ءُ سلہ ئی ءَ گوں گیچین کنگ بہ بیت۔ زر دیگ ءِ واستہ نامینتگیں بینک ءُ ریٹیل آئوٹ لیٹس آنی وسیلگ ءَ بندات کنگ بوتگ ایشی ءِ تہءَ ایس او پیز آنی سرجمی ءَ را دل یکیمی کنگ بوتگ وھدیکہ سائبر ارش، بائیو میٹرک ءِ جیڈھ، گیر رجسٹرڈ مرگ ءُ میرانی، بینک ءُ سیادی داروکیں ادارگ آنی بندش ءُ ایندگر جیڈھ آں گوں دیم پہ دیمی است انت۔ یونیسف، یونائیٹڈ نیشن ءُ IPC-IG ءِ وسیلگ ءَ سامان آنی چاگردی رکھینگ ءِ کار آنی سر ءَ چار ءُ تپاس گرگ ءِ واستہ کتگیں یک پٹ ءُ پولے ءِ رد ءَ پیسیفک اوشن ءِ نزیکیں ملک آنی رکھینگ ءِ گامگیج آنی یک ٹوھیں چمشانکے پیش کنگ بوتگ۔ بنجاھی دارالحکومت ءَ ٹیکسی ڈرائیور اکرم شاہ ءَ گوشت کہ لاک ڈائون ءِ ساھت ءَ وت کٹ کنگ ءَ چہ زبھر بوتگ چیا کہ مردم آنی رچ ءُ کش ءِ تہءَ مزنیں کساس ءَ کمی بوتگ۔ اے رنگ اولی رند ءَ بوتگ آئی ءِ کرا گس ءِ کرایہ دیگ ءِ ھم زر نہ بوتگ۔ آئی ءَ گوشت کہ سڑک ءِ کش ءَ گراک ءِ ودار کنان ءَ منا احساس ایمرجنسی پروگرام ءِ نیمگ ءَ زر ءِ گرگ ءِ یک کلوہ ءِ رستگ ایش یک ٹوھیں گل ءُ شاتی کلوہے ءَ چہ کم نہ بوتگ۔ آئی ءَ گوشت کہ مہنگائی ءِ دور ءَ 12 ہزار کلدار ءِ زر ءِ رسگ یک جوانیں گپ ات۔ آئی ءَ گوشت کہ گریبیں مردم آنی واستہ مزن و زیر ءِ گامگیج ءَ ایشانی گوما ھمبراھ داری کنگ لوٹ ایت۔ 6 نومبر ءَ تاں احساس ایمرجنسی کیش پروگرام ءِ چیر دستی ءَ بھر ءُ بانگ ءُ گپتگیں زر آنی سر جمیں ھال ایش انت۔ پنجاپ ءَ بینک ءَ را 92459.628 ملین کلدار ءِ زرّ جاری کنگ بوتگ 79999.338 ملین کلدار کشگ بوتگ۔ سندھ ءَ بینک آناں 60532.548 ملین کلدار جاڑی کنگ بوتگ وھدیکہ 55305.1245 ملین کلدار کشگ بوتگ۔ ھمے رنگ ءَ خیبر پختونخوا ءَ بینک آناں 34914.384 ملین کلدار جاڑی کنگ بوتگ وھدیکہ ایشانی تہ ءَ 30390.04325 ملین کلدر کشگ بوتگ۔ آزات جموں کشمیر ءَ بینک آناں 9593.364 ملین کلدار جاڑی کنگ بوتگ ایشانی تہ ءَ 2826.825 کلدار کشگ بوتگ۔ اسلام آباد ءَ بینک آناں 925.488 ملین کلدار جاڑی کنگ بوتگ وھدیکہ ایشانی تہ ءَ 833.8525 ملین کلدار زر کشگ بوتگ ءُ گلگت بلتستان ءَ بینک آناں 1494.396 ملین کلدار جاڑی کنگ بوتگ ءُ 1346.74975 ملین کلدار کشگ بوتگ۔ احساس ایمرجنسی کیش پروگرام ءَ سیت چست کنوکیں مردم آناں صوبائی جاور ھال کمو چو اے وڑ ءَ انت۔ 6 نومبر ءَ تاں پنجاپ ءَ کساس 7704969 بزگر آناں پروگرام ءِ تہ ءَ ھوار کنگ بوتگ ایشانی تہ ءَ 6617079 مردم آناں زر در جتگ انت۔ سندھ ءَ 5044379 مردم آناں پروگرام آنی تہ ءَ ھوار کنگ بوتگ ایشانی تہ ءَ 4589662 مردم آں زر گپتگ۔ خیبر پختونخوا ءَ 2909532 مردم آناں پروگرام ءِ تہ ءَ ھوار کنگ بوتگ ایشانی تہ ءَ 2506424 مردم آناں زر رستگ۔ ھمے رنگ ءَ بلوچستان ءَ 799447 مردم آناں پروگرام ءِ تہ ءَ ھوار کنگ بوتگ ایشانی تہءَ 701419 مردم آناں نگدی زر گپتگ۔ آزات جموں کشمیر ءَ چہ 272608 مردم اے پروگعرام ءِ تہ ءَ ھوار بوتگ انت ایشانی تہ ءَ 231757 مردم آں زر گپتگ۔ گلگت بلتستان ءَ 124533 مردم اے پروگرام ءِ تہءَ ھوار بوتگ ءُ 110472 مردم آں زر در جتگ انت۔ اسلام آباد ءَ چہ 79374 مردم پروگرام ءَ ھوار بوتگ ءُ 69081 مردم آں زر گپتگ۔ احساس ءِ چیر دستی ءَ جاڑیگیں پروگرام آنی تہ ءَ احساس ایمرجنسی کیشن ، احساس انڈر گریجویٹ سکالر شپ،۔ احساس پناہ گاہ (شیلٹر) ءُ لنگر سکیم، احسا کفالت، احساس انڈر سٹ فری لون، احساس آمدن ءُ احساس نشوونما پروگرام ھوار انت۔ اے پروگرام آں چہ لکھانی مردم آناں سیت رسینگ ءِ واستہ اربانی کلدار گیشینگ بوتگ۔
