اسلام آباد۔10نومبر (اے پی پی):ملک مستر ڈاکٹر عارف علوی ءَ گوں قزاخستان ءَ پاکستان ءِ نامینتگیں سفیر سجاد احمد سہیڑ ءَ سے شمبے ءِ روچءَ نندءُنندکتگ۔ ایوان صدر ءِ میڈیا ونگ ءَ چہ جاری بیان ءِ ردءَ ملک مستر ءَ نامینتگیں سفیر ءَ را قزاخستان ءَ سفیر جوڑ بوہگ ءَ مراد بات داتگ۔ صدر عارف علوی ءَ سیاسی، بیپاری، دودءُ ربیدگی ءُ دیمپانی پڑآں قزاخستان ءِ گوما دونیمگی کمک ءَ را گیش کنگءِ ضلورت ءِ سرءَ زور پِرداتگ ءُ گشتگ کہ دمگی نزیکی معاشی دیمروئی ءِ ھاترءَ باز المی اِںت ءُ چائنہ پاکستان اقتصادی راہداری ءَ خطہ ءِ تہ ءَ نزیکی ءِ موہ ودی کتگ۔ آئی ءَ گشتگ کہ قزاخستان ہم چائنہ پاکستان اقتصادی راہداری ءَ چہ چہ ہائدگ چست کُت کنت۔ آئی ءَ گشتگ کہ نامینتگیں سفیر دوئیں ملک آنی نیام ءَ مزن گسی ءُ دودءُ ربیدگی نزیکی ءَ را گیش کنگ ءِ ھاترءَ کوشست بہ کنت۔
