راولپنڈی۔10نومبر (اے پی پی):بری فوج ءِ سروک جنرل قمر جاوید باجوہ ءِ پنتءُشون ءِ پد ءَ استیں کورٹ آف انکوائری ءَ آجی جی سندھ ءِ گپانی پد ءَ وتی انکوائری سرجم کتگ، کورٹ آف انکوائری ءِ سفارچ ءِ سرءَ ہمگرنچیں افسر چہ وتی زمہ واریاں دور کنگ بوتگ اَنتءُ پہ گیش انکوائری جی ایچ کیو ءَ ہمگرنچیں پڑآنی کنگ بیت، اے افسرآں وئیل ءِ سرءَ جذباتی عمل ءِ درشانی کتگ بوتگ۔ پاک فوج ءِ تعلقداری پڑ (آئی ایس پی آر) ءِ گشگءِ ردءَ انسپکٹر جنرل پولیس سندھ ءِ 18 اکتوبر ءَ بوتگیں وئیل ءِ شکایت ءِ سرءَ بری فوج ءِ سروک جنرل قمر جاوید باجوہ ءَ کورٹ آف انکرائری جوڑ کتگ بوتگ۔ کورٹ آف انکوائری ءَ وتی رپورٹ ءِتہ ءَ گشتگ کہ 18/19 اکتوبر ءِ شپ پاکستان رینجرز (سندھ) ءُ آئی ایس آئی سیکٹر ہیڈکوارٹرز کراچی ءِ افسرآنی قائد ءِ مزار ءِ بے شرپی ءِ وئیل ءِ پد اُلسی رد عمل ءِہوالگ ءَ تکانسری ءِ آماچ بوتگ اَنت ءُ آئی ءَ را قانود ءِردءَ کاروائی کنگ ءِ ھاترءَ اُلس سکین دیئگ ءَ بوتگ، پولیس ءِ سستیں ردعمل ءِ سرءَ اے افسرآں جزباتی ردعمل ءِ درشانی کتگ۔ اے افسرآں سگءُاوپار ءُ تحمل ءِ درشانی بہ کُت اِنت چیا کہ آیانی اے گامگیجاں چہ دو ریاستی ادارگاں دور ی کینگ ودی بوتگ۔ کورٹ آف انکوائری ءِ سفارشات ءِ سرءَ اے افسر آناں چہ آیانی زمہ واریاں ہلاس کنگ ءِ فیصلہ کنگ بوتگ ءُ آیانی حلاپ ءَ جی ایج کیو ءَ آیانی وتی جند ءِ پڑآں گیش انکوائری کنگ بیت۔
