اسلام آباد۔10نومبر (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ قائد اعظم ءِ مزار ءِ سر ءَ بوتگیں جیڈھ آنی بابت ءَ سلاھ بندیں اُرد ءَ وتی کیاسگری کار آنی پد ءُ رندی ءَ را ساڑاتگ ءُ گوشتگ کہ حکومت اے پیسلہ ءَ را گوں شرپ ءُ ازت دنت، اگاں سندھ پولیس وھد ءُ موہ ءِ سر ءَ ایف آئی آر درج بکن انت گڈا اے جیڈھ اینکیاس چپ ءُ چوٹ نہ بوتگ انت، نوں سندھ حکومت ءِ زمہ واری انت گڈا آ بگش ایت کہ اے ساھت ءَ ھما پولیس اپسرگ آنی بغاوت کنگ ءِ پد ءَ آوانی ھلاپ ءَ چے کاروائی بوتگ، سندھ ءَ ھم کانود ءِ مستری گندگ بہ بیت۔ سئے شمبے ءَ بنجاھی وزیر اھوالکاری ءُ شنگ کاری سینیٹر شبلی فراز ءَ بنجاھی کابینہ ءِ دیوان ءَ چہ پد بریفنگ ءِ ساھت ءَ پاک ُرد ءِ کورٹ آف انکوائری ءِ رپوٹ ءِ بابت ءَ یک جستے ءِ پسو ءَ گوشت کہ سلاھ بندیں اُرد یک مھکمیں ادارگ ات، مزار قائد ءِ جیڈھ ءِ سر ءَ پاک اُرد ءِ اندر ءَ و ت کیاسگری کار زرمبش ءِ تہ ءَ اتکگ انت، ایشی ءَ چہ پد دو اپسرگ آناں اگدہ ءَ چہ دور کنگ بوتگ، بنجاھی حکومت ءَ اے کار ءَ را ساڑایت۔ آئیءَ گوشت کہ اے اپسرگ آں الس ءِ جاک ءُ کوکار ءِ پد ءَ آئی جی سندھ ءِ گوما رابطہ کتگ بوتگ، اگاں سیادی داروکیں ایس ایچ او اے جیڈھ ءِ ایف آئی آر زوتیں رد ءَ درج بکت انت گڈا اے جیڈھ اینکیاس چپ ءُ چوٹ نہ بوتگ ات۔ آئی ءَ گوشت کہ سندھ حکومت ھم اے جیڈھ آنی سر ءَ انکوائری کنگ ءَ انت، انوگ ءَ تاں اے رپوٹ ھم نہ اتکگ بلے سندھ حکومت ءَ چہ جست گراں کہ صوبائی حکومت ءُ آءی جی سندھ ءَ اے پولیس اپسرگ آنی ھلاپءَ چے کاروائی کتگ آواں کاروائی کنگ ءَ چہ انکار کتگ ءُ بغاوت کتگ بوتگ، رد ءَ را رد گوشت ءَ چہ راستیں گپ انت، گندگ بہ بیت کہ اے نیمگ ءَ کیاسگری بوھگ ءَ انت۔
