اسلام آباد۔ 10 نومبر (اے پی پی) قومی فضائی کمپنی (پی آئی اے) پاکستان آن جدہ و مدینہ منورہ غا ہنوک آ جہاز آتیکن عمرہ پالیسی نا پڑو ءِ کرینے ہراکہ 31 دسمبر 2020 اسکان لاگو مریک۔ ترجمان پی آئی اے عبداللہ خان نا کنڈآن جاری بیان نا رداٹ کراچی آن اکانومی کلاس نا ریٹرن کرا بشمول خراج 91000روپئی مریک۔ پاکستان نا ایلو شار تیان اکانومی کلاس نا کرا بشمول خراج 96000روپئی مریک۔ جدہ و مدینہ منورہ گڑاتا زیات آن زیات حد 36 کلوگرام مریک۔ ایگزیکٹو اکانومی کن بیگیج الاؤنس دوبیگ 40 کلوگرام مقرر کننگانے وخت اس کہ شیر خوار نا مد اٹی 10 کلوگرام بیگیج الاؤنس نا موکل مریک۔ مسافر آتے 5 لیٹر زم زم گڑاتتون ودکی اتنگ نا موکل ہم مریک۔ پی آئی اے گروپ بکنگ نا ہم بناءِ کرینے ہرانا رداٹ کم از کم 10مسافر آتا پڑک مننگ المی مریک۔ غٹ مسافر آتے سفر آن کم از کم 7 دے مست اسہ مفت چینج آف بکنگ نا موکل ہم مریک۔ عمرہ نا ٹکٹ پی آئی اے نیٹ ورک آ بہا مننگ ن دستیاب ءِ۔
