ہری پور۔ 10 نومبر (اے پی پی) بنجائی وزیر توانائی، پٹرولیم و قدرتی وسیلہ عمرایوب خان ہفت کروڑ 56 لکھ روپئی نا بھلو فنڈنگ اسے آن ڈنگی ٹیوب ویل اٹی سوئی گیس انا فراوانی نا ڈٹ انابنا ءِ کرے، علاقہ والاک دا وخت آ عمرایوب خان ءِ جم وجوش اٹ بخیر کریر، دود آن تران کرسا بنجائی وزیر عمرایوب خان ڈنگی نا رہینگوک آتے گیس و بجلی نا فراوانی نا ڈٹ انا پوروی آ مبارکباد ترسا جم و جوش اٹ بخیر کننگ آ اوفتا منت واری ءِ ہرفے اوپارے کہ گچین کاری تیٹی ہراوڑ الس مچ آ پاکستان اٹی غٹ آن زیات وونٹ ترسا کنے سرسہب کرے انشاء اللہ اوکان کیہی گناہ ود نئے بیرہ ضلع غان السی محرومی تے چٹفنگ اُن بلکن ضلع ٹی ارب آ روپئی نا بھلو فنڈنگ اسے آن بجلی و گیس انا ہمو میگا ڈٹ آک برجا ءُ ہرافتیان بروک آ چینک ہم فائدہ ہرفرہ اوپارے کہ تدوک آ حکومت آتا وڈٛی خوری و غلط پالیسی تا سوب آن ننے مشکل انگا حالیت آتا مون تروک مس داسہ حالیت آک ترندی اٹ گچینی نا کنڈآ ہِننگ ءُ وزیراعظم عمران خان نا کماشی ٹی ہر بندغ ءِ آسراتی فراوان کننگ کن و کبینی ءِ کنٹرول کننگ کن ہم تیاری ءِ پورو کننگانے تینے آن کبینی کروک آ مافیا نا برخلاف کانودی کارروائی کننگک ساجد الرحمان ایڈووکیٹ دا وخت آ جلسہ غان تران کرسا بھلو خڑچ اسے اٹ گیس انا فراوانی نا ڈٹ و مسہ خلق آتیٹی بجلی فراوانی تون اوار چندی پول و ٹاسفارم تننگ آ بنجائی وزیر عمر ایوب خان ءِ شاندار لوز آتیٹی خراج تحسین پیش کرے۔ مسکوہی صوبائی وزیر یوسف ایوب خان تران کرسا پارے کہ پاکستان ءِ جوڑ اینو 73 سال گدرینگانے ولے اخس شونداری کاریم ساڑی آ اِرا سال اٹی مس اوفتا تاریخ اٹی درور ملپک الیکشن اٹی نن ہرانگ کہ ہنان بجلی ویل آن مخلوق فریشان خننگاکہ ولے داسہ حالیت آک جتا مسنو ضلع غان بجلی ننا ویل آتا چٹفنگ کن ہلہلہ ئی بنداو تیا شانزدہ فیڈر پوروی آن پد پین و دیرپا گچینی کن گریڈ اسٹیشن جوڑ کننگ انگ ءِ۔ وخت اس کہ بنجائی وزیر نا سوب آن بروک آ سال آن مست ضلع ٹی برجا گیس انا فراوانی نا ڈٹ آک ہم ایسر اسکان سرمریرہ اوتران اٹی ایم پی اے و چیئرمین ڈیڈک کمیٹی ارشد ایوب خان نا کنڈآن ڈنگی ٹی کروڑ آ روپئی نا فنڈنگ آن واٹر سپلائی اسکیم، روڈ آتا تفنگ و ایلو ڈٹ آتیا ہندی مخلوق ءِ مبارکباد پیش کرسا شونداری کاریم تیکن پین 50 لکھ روپئی نا فنڈنگ نا پڑو ءِ کرے۔
