ما دُز ءُ ڈُنگاں سرفراز بوہگ ءَ نیلاں، بدءُ رد کنگءِبدل ءَ سندھ حکومت ءِجارچین اُلس ءِ جیڑہ آنی پسو ءَ بہ دنت، بنجاہی وزیر سینیٹر شبلی فراز ءِ حال ءُ اھیوال کاری ءُ شنگکاری ءِ وزیر بیان ءِ پسو

اسلام آباد۔9نومبر (اے پی پی): حال ءُ اھیوال کاری ءُ شنگکاری ءِ بنجاہی وزیر سینیٹر شبلی فراز ءَگشتگ کہ ما دُزءُ ڈُنگاں سرفراز بوہگ ءَ نیلاں، بدءُ رد کنگءِ بدل ءَ سندھ حکومت ءِ جارچین اُلسءِ جیڑہ آنی پسوءَ بہ دنت، سندھ ءَ کوراسی ءُ بزگی اِنت۔ بنجاہی وزیر سینیٹر شبلی فراز ءَ سندھ ءِ حال ءُ اھیوال کاری ءُ شنگکاری ءِ وزیر ناصر شاہ ءِبیان ءِ پسو داتگ ءُ گشتگ کہ اجالت ہما کس بہ بنت کہ آیاں نیزگارءُ بزگانی مال وارتگ اَنت، کہ اُلس ء َ چہ لُٹ اِتگیں مال ءُ مڈی لانچانی تہ ءَیل کتگءُ تتکگ اَنت، آئی ءَ گشتگ کہ دُزءَ را دُز ءُ ڈُنگ ءَ را ڈُنگ گشگ بہ بیت۔