اسلام آباد۔9نومبر (اے پی پی):آزاد ریاست ءِ لیکہ ءَ چہ پاکستان ءِ جوڑ کنگ ءِ ھیال ءَ را دیما آرگ ءُ پدر کنوکیں راجی شاعر ڈاکٹر علامہ محمد اقبال ءِ 143می ودی روچ ءِ موہ ءَ آئی ءِ مزار ءِ سرءَ گارڈ مٹ کنگءِ پُرمڈاہیں مراگشے بوتگ۔ پاک بحریہ ءِ دستہ ءَ گوں جوش ءُ جزبگ ءَ گارڈ ءِ زمہ واری سمبال اِتگ۔ وہدے کہ گارڈءِ زمہ واری پیلو کتگیں دستہ وتی آفیسر انچارچ ءِ کمان ءَ مزار ءِ پیژگاہ ءَ چہ رخصت بوتگ۔ اسٹیشن کمانڈر(نیوی) لاہور، کموڈور محمد نعمت اللہ ءَ زمہ واری زوروک ءُ زمہ واری پیلو کتگیں پاک بحریہ ءُ پاکستان رینجرز ءِ دستہ آنی چارءُتپاسی کتگ۔ اعزازی گارڈ ءِ تعیناتی ءَ پد اسٹیشن کمانڈر (نیوی) ءَ چیف آف دی نیول اسٹاف، پاک بحریہ ءِ افسر ، سیلرز ءُ نیوی سویلینز ءِ نیمگ ءَ چہ راجی شاعر ءِ مزار ءِ سرءَ پُھلانی چادر پِرداتگ۔ ایشی ءَ پد اسٹیشن ءَ فاتحہ وانی کتگءُ مہمان آنی کتا ب ءَ وتی مارشت درج کتگ اَنت۔ مراگش ءَ ملٹری و سول افسر ، نودربر ءُ لھس مھلوک ہوار بوتگ ۔
