اسلام آباد۔9نومبر (اے پی پی):صدر مملکت ڈاکٹر عارف علوی ءَ گوشت کہ ملک ءَ ڈیجیٹل ٹرانزیکشن ءِ دیمروئی ءَ چہ ملکی معشیت برجا بیت، ھوار بوھگی سرمایہ کاری ءَ توامیں شوبگ ھاسیں رنگ ءَ زالبول آنی سر ءَ دلگوش کنگ لوٹ ایت، کرپشن ءَ چہ رکھینگ، کار کرد ءِ تہ ءَ گیشی ءُ ڈسپلین ءِ سر ءَ دلگوش دیگ ءَ چہ ملک ءَ را دیمروئی ءِ کشک ءَ راھادگ کنگ بیت کنت، استیں حکومت روزگار ءُ وانگ ءُ زانگ ءِ ھمکچیں موہ پجاری کنگ ءِ واستہ کوشست کنگ ءَ انت، اے شوبگ آنی تہ ءَ نہ وشیں جاور آناں ھلاس کنگ ءِ ضلورت انت۔ اے ھیالانی درشانی آئی ءَ دو شمبے ءَ شمولیتی سرمایہ کاری پپاکستان ایکسپو 2020 ءِ بنگیجی مراگش ءَ گوں گشتانک دیان ءَ کت۔ آئی ءَ گوشت کہ پاکستان ءَ ھوار سرجمیں دگنیا ءَ کورونا ءِ دومی بھر بندات بوتگ، کیسز آنی کساس ءِ تہ ءَ ھمک روچ گیشتری بوھگ ءَ انت، ما درستاناں کورونا ءَ چہ رکھینگ ءِ واستہ رکھینگی رھبند آنی پد ءُ رند کنگ جاڑی دارگ لوٹ ایت۔ آئی ءَ گوشت کہ کورونا ءَ چہ ابید معیشت دیمروئی کشک ءَ رھادگ انت۔ آئی ءَ گوشت کہ مزن وزیر عمران خان ءِ معاشی ٹیمب ءِ معیشت ءِ برجائی ءِ واستہ گامگیج لائک ءِ توسیپی انت، معاشی ٹک دیم پہ گہتری ءِ نیمگ ءَ جنزگ ءَ انت۔ پاکستان سٹاک ایکس چینج ءِ تہ ءَ گہتری اتکگ۔ آئی ءَ گوشت کہ حکومت جوڑیشتی صنعت ءِ سر ءَ دلگوشی دیگ ءَ انت، ایشی ءَ چہ روزگار ءِ موہ پیداک بنت۔ صدر ءَ گوشت کہ ڈیجیٹل ٹرانزیکشن ءِ دیمروئی ءَ چہ ملکی معیشت برجا بیت، جی ڈی پی ءِ سر ءَ پازیٹیو رد ءُ بند بنت انت، کاگدی مسل ودی بنت، ٹیکس آنی گرگ ءِ تہ ءَ گیشی بیت، ایس ایم ایز ءُ انٹر پرینیور شپ ءَ را دیمروئی رسیت۔ مراگش ءَ مشیر ءِ ھزانگ ڈاکٹر عبدالحفیظ شیخ ءُ گورنر سٹیٹ بینک ڈاکٹر رضا باقر ءَ ھم گشتانک دات۔
(RTB/OAB)
