اسلام آباد۔ 09 نومبر (اے پی پی) وزیراعظم عمران خان حکیم الامت، مفکر پاکستان علامہ محمد اقبال ءِ خراج عقیدت پیش کرسا پارینے کہ علامہ اقبال نا سوچ و فکر ننے زہمی کننگ تون اوار اوار مدام ننا راہشونی ءِ کرساکیک۔ وزیراعظم عمران خان دوشنبے نادے آ تینا ٹویٹ اٹی ایرانی پامدار ڈاکٹر علی شریعتی نا سرحال نا حوالہ ءِ تس ہراٹی او علامہ اقبال نا فکر و فلسفہ نا عالمانہ وڑاٹ احاطہ ءِ کرینے۔ وزیراعظم ڈاکٹر علی شریعتی نا سرحال آن اقتباس اس ہم شیئر کرے ہراٹی ڈاکٹر علی شریعتی علامہ اقبال نا بارواٹی پارے کہ او مادیت نا خمیر آن بش مروک آ و خاص ساہ انا تخوک ہمو عظیم صوفی ءِ ہرا اسہ وخت اٹی سائنس تکنیکی شونداری و ننا عہد اٹی انسانی منطق نا پیش گامی ءِ تنظیم و شرف نا نظر اٹ ہرک۔
