لاہور۔ 09 نومبر (اے پی پی) اقوام متحدہ نا فیلڈ سیکورٹی کوآرڈینیشن آفیسر ہربرٹس کوئبکے ڈل اتون اوار پنجاب سیف سٹیز اتھارٹی نا دورہ ءِ کرے، چیف آپریٹنگ آفیسر پنجاب سیف سٹیز اتھارٹی محمد کامران خان ڈیپارٹمنٹ فار سیفٹی اینڈ سیکورٹی نا ڈل ءِ حوال تس و اتھارٹی نا چندی بشخ آتا دورہ ءِ کرفے، داوخت آ ڈل ءِ ایمرجنسی ہیلپ لائن، پولیس ڈسپیچ، ویمن سیفٹی ایپ انا ورکنگ و سیکورٹی حالیت آتیٹی سیف سٹیز ڈٹ انا فائدہ غاتا بارواٹ ہم سرجم حوال تننگا، ڈل کیمرہ غاتا کمک اٹ سیکورٹی و مانیٹرنگ نا عمل نا جاچ ءِ ہلک وخت اس کہ ڈل ءِ پنجاب سیف سٹیز اتھارٹی نا زالبول آتا رکھ اکن جوڑ کروک آ ویمن سیفٹی ایپ انا بارواٹی ہم پاننگا۔ ایپ اٹی ڈل بھاز است خواہی نا درشانی ءِ کرسا پارے کہ زالبول آتا رکھ اکن ایپ جوڑ کننگ و سیکورٹی کن جہانی آب انا پوسکن آ نظام نا نافذ کننگ ستاکڑزک، دورہ نا ایسر آ ڈل ءِ پنجاب سیف سٹیز اتھارٹی نا کنڈآن یات گاری شیلڈ اس ہم پیش کننگا۔
