اسلام آباد۔ 09 نومبر (اے پی پی) اسپیکر قومی اسمبلی قومی اسمبلی و سینیٹ اٹی پارلیمانی راہشون تا دیوان ءِ پگہ 11 نومبر آ بٹنگا۔ قومی اسمبلی سیکرٹریٹ نا رداٹ دیوان اسپیکر قومی اسمبلی اسد قیصر نا کماشی ٹی 11 نومبر آ پیشیم نا 2 بجہ غا کمیٹی روم نمبر 2 اٹی اڈ ہلیک۔ دیوان اٹی عسکری کمامدارآتا کنڈآن قومی سلامتی نا باندات آ حوال تننگک۔ قومی اسمبلی سیکرٹریٹ نا کنڈآن پارلیمانی راہشون تا دیوان ءِ بٹنگ انگ کن نوٹس جاری کننگانے۔ پاکستان تحریک انصاف آن ڈپٹی پارلیمانی لیڈر مخدوم شاہ محمود قریشی، مسلم لیگ ن آن خواجہ محمد آصف ءِ دیوان اٹ بشخ ہلنگ نا سلہ خلنگانے۔ پاکستان پیپلزپارٹی پارلیمنٹرین آن بلاول بھٹو زرداری، ایم ایم اے آن اسعد محمود و پاکستان مسلم لیگ آن چوہدری طارق بشیر چیمہ ءِ بٹنگ انگانے۔ بلوچستان نیشنل پارٹی آن محمد اخترمینگل، ایم کیو ایم آن ڈاکٹر خالد مقبول صدیقی، بلوچستان عوامی نیشنل پارٹی آن خالد حسین مگسی ءِ دیوان اٹی بشخ ہلنگ نا دعوت تننگانے۔ جی ڈی اے آن غوث بخش خان مہر، عوامی مسلم لیگ آن شیخ رشید احمد و عوامی نیشنل پارٹی آن امیر حیدر اعظم خان ءِ ہم بٹنگ انگانے۔ سینیٹ آن سینیٹرز مشاہداللہ خان، شیری رحمان، محمد علی خان سیف، میر کبیر احمد محمد شہی، مولانا عبدالغفور حیدری، محمد عثمان کاکڑ، سراج الحق، ستارہ ایاز، ڈاکٹر جہانزیب جمالدینی، انوارالحق کاکڑ واورنگزیب خان ءِ بٹنگ انگانے۔ بنجائی وزیر پرویز خٹک، اعجاز احمد شاہ، علی امین گنڈاپور، شفقت محمود، اسد عمر، شبلی فراز و وزیراعظم نا سلاہکار ظہیر الدین بابر اعوان و خصوصی کمکار معید یوسف دیوان اٹی خصوصی بشخ ہلیرہ۔ اٹارنی جنرل خالد جاوید خان، گورنر گلگت بلتستان راجہ جلال حسین مقپون و قائم مقام وزیراعلیٰ گلگت بلتستان میر افصل ءِ خصوصی بشخ ہلنگ کن دعوت نامہ جاری۔ دیوان اٹی صدر آزاد کشمیر سردار مسعود خان و وزیراعظم راجہ فاروق حیدر خان ءِ ہم بشخ ہلنگ نا سلہ خلنگانے۔
