کوئٹہ۔ 09 نومبر (اے پی پی) وزیراعلیٰ بلوچستان جام کمال خان نا علامہ اقبالؒ نا ودی دے انا وخت آ کلہو ترسا پارے کہ اینو مچ آ قوم مفکر اسلام و عظیم فلسفی شاعر علامہ اقبالؒ ءِ پبی خراج عقیدت پیش کننگ ءِ، علامہ اقبالؒءِ برصغیر نا مسلمان تیکن جتا ءُ وطن اسے نا تصور ءِ پیش کننگ آ مدام یات تخنگک۔ اوپارے کہ علامہ اقبالؒ نا رغاموک آتیان ننے اسلام نا حقی کلہو ءِ سرپند مننگ اٹ کمک ملک۔ اوپارے کہ شاعر مشرق مدام مسلمان تے اسہ ایلو ٹی سیوت و سخا و عمل نا پنت و شون کرے۔ جام کمال خان مستی کلہو اٹی پارے کہ علامہ اقبال نا سوچ و کلام اینو ہم ننکن کسر نا ڈیواءِ۔ بلوچستان اٹی ننے اجتماعی شونداری و شونہالی نا دوئی کننگ کن علامہ اقبال نا فلسفہ غا عمل کروئی مریک
