گریب ءُ بزگریں تبک ءِ مردم آناں سستائیں گس آنی پجاری حکومت ءِ اولی سرئی کار آنی تہ ءَ ھوار انت، چیئرمین نوکیں پاکستان ہائوسنگ ڈویلپمنٹ اتھارٹی
اسلام آباد ۔ 9 نومبر 2020ء(اے پی پی) نوکیں پاکستان ہائوسنگ ڈویلپمنٹ اتھارٹٰی (NAPHDA) ءِ چیئرمین لیفٹیننٹ جنرل (ریٹائرڈ) انور علی حیدر ءَ کوریا ءِ کمپنی جی۔ سونگو ءِ نیمگ ءَ پاکستان ءَ اولی فیئر یکیٹڈ ہائوس ءِ بنگیج کت۔ دو شمبے ءَ پاک چائنہ فرینڈ شپ سینٹر ءَ کمپنی ءِ نیمگ ءَ فیبریکیٹڈ ہائوس ءِ ڈیمو پیش کنگ بوت ایشی ءِ تہ ءَ نوکیں پاکستان ہائوسنگ ڈویلپمنٹ اتھارٹٰ ءِ چیئرمین لیفٹیننٹ جنرل (ر) انور علی حیدر، ڈپٹی چیئرمین میجر جنرل (ر) عامر اسلم خان ءَ ھوار کمپنی ءِ نماھندگ ءُ اینگر مردم آں بھر زوری کت۔
اے موہ ءَ تران کنان ءَ چیئرمین نوکیں پاکستان ہائونسگ ڈویلپمنٹ اتھارٹی ءَ گوشت کہ گریب ءُ بزگریں ءُ گریبیں مردم آناں سستائیں گس پجاری ءَ حکومت ءِ اولی سرئی کار آنی تہ ءَ ھوار انت۔ اے مول ءُ مراد آنی واستہ حکومت بلڈر ءُ ایندگر اسٹیک ہولڈر آناں ھمک رنگیں آسراتی پجاری کنت انت۔
کمپنی آنی نیمگ ءَ چیئرمین نوکیں پاکستان ہائوسنگ ڈویلپمنٹ اتھارٹی ءَ را بریفنگ دیگ بوت۔ کمپنی ءِ نماھندگ آں گوشت کہ دو بیڈ رومز آنی لوگ ھپت روچ ءِ اندر ءَ تیار کنگ بوتگ۔ ایندگر ھاسی آنی گوما اے گس ءِ لائف 50 سال انت۔ آئی ءَ گوشت کہ اے گس آنی تیاری ءَ کارمرد بوھوکیں مٹیریل درآمد کنگ بوتگ وھدیکہ اے ملک ءِ اندر ءَ ھم تیار کنگ بوت کن انت۔ اے گس ءِ تیار ءَ انسولیشن والز کارمرد کنگ بوتگ انت ایش ایندگر لوگ آنی مٹ ءَ 43 درسد گہتر انت وھدیکہ اے گس آس ءُ زمین چنڈ ءِ ھوپ ءُ ترس کم تر انت۔ آئیءَ گوشت کہ مئے کمپنی چار منزلہ گس ءُ اپارٹمنٹس جوڑ کت کنت۔ آئی ءَ گوشت کہ نوکیں ٹیکنالوجی ءِ ٹرانسفر ءَ چہ نا ایوک ءَ در ملکی سرمایہ کاری بیت بلکینگ ءَ ٹیکنالوجی ءِ بستار کرزیں جوڑیشتی ءُ سیادی داروکیں شوبگ آنی تہ ءَ روزگار ءِ موہ پیداک کنگ ءَ کمک رسیت۔
کمپنی ءِ نماھند آں گوشت کہ اے کمپنی ءَ مزن وزیر عمران خان ءَ 50 لکھ گس آنی جوڑیشت ءِ وژن ءَ جھلانکیں واھشت ءُ واھگ ءِ درشان کتگ۔ کمپنی ءَ ھمک سال 18 ہزار گس ءُ اپارٹمنٹس تیار کنگ ءِ ازمکاری ءَ دار ایت۔ آئی ءَ گوشت کہ گیش پیداواری آسراتی آنی گوما پیداوار ءِ تہ ءَ گیشی بوت کنت۔
ایشی ءَ لپد چیئرمین نوکیں پاکستان ہائوسنگ ڈویلپمنٹ اتھارٹی ءَ کمپنی ءِ نیمگ ءَ تیار کتگیں اولی فیبریکیٹڈ گس آنی چار ءُ تپاسی کت۔ اے موہ ءِ سر ءَ ڈپٹی چیئرمین نوکیں پاکستان ہائوسنگ اتھارٹی میجر جنرل (ر) عامر اسلم خان ءُ ایندگر کلانہ ایں سروک اے موہ ءِ سر ءَ ساڑی اتنت۔
