اسلام آباد۔ 08 نومبر (اے پی پی) وزیراعظم نا سلاہکار واپار و زرکاری عبدالرزاق داؤد پارینے کہ بروک آ مسہ سال اٹی اوغانستان ءِ کروک آ برآمد آک 5 ارب ڈالر اسکان سرمریرہ۔ اوپارے کہ حکومت دا بابت ہدف اس مقرر کرینے۔ سلاہکار واپار پارے کہ پاک اوغان تین پہ تینی واپار اٹی ٹرانزٹ ٹریڈ، تین پہ تینی واپار و غیر روایتی واپار اوار ءِ ولے دا واپار نا دستاویزبندی نا گرج ءِ۔ اوپارے کہ پاکستان و اوغانستان نا ہڑتوم آ کنڈآتا واپار اٹی مون آ دننگ کن بنداوی پنجر نا پوسکنی ہم المی ءِ۔ اے پی پی تون خصوصی گپ وتران کرسا سلاہکار واپار عبدالرزاق داؤد پارے کہ مالی سال 2019ء ٹی پاک اوغان ٹرانزٹ ٹریڈ5.6ارب ڈالر، ہڑتوم آ کنڈآتا واپاری1.3 ارب ڈالر مسنے ہرا 2011نا 2.5 ارب ڈالر واپار آن کم ءِ۔اوپارے کہ ہندا سال پاکستان و اوغانستان نا غیر روایتی واپار 2 ارب ڈالر مسوسس۔ اوپارے کہ ہڑتوم آ ملک آتیٹی تین پہ تینی واپار اٹی پین ودکی کن بھلو گمان اس ساڑی ءِ۔
