اسلام آباد۔ 08 نومبر (اے پی پی) اینٹی نارکوٹکس فورس پاکستان 17 ملک گیر کارروائی تیٹی 1922.148کلوگرام منشیات دوئی کرے، ہرافتا جہانی مالیت 67.871ملین امریکی ڈالر ءِ وخت اس کہ منشیات نا اسمگلنگ اٹ اوار 3 زالبول آتون اوار 19 دوبہ دار آتے دزگیر کرسا 7 گاڈی ہم تحویل اٹ ہلنگا۔ برآمد شدہ منشیات اٹی 1782.3کلوگرام چرس، 8.698کلو گرام ہیرون، 51.600کلو گرام ہفیم، 78 کلوگرام ایمفیٹامائن(آئس) و 9330 دانہ روچی گولی اوار ءُ۔ اے این ایف بلوچستان، پولیس اسٹیشن کوئٹہ کلی دولنگی تحصیل گلستان، ضلع قلع عبداللہ ٹی کارروائی ٹی اسہ بارُن ءُ نالہ اسے ٹی ڈکوک آ 669 کلو گرام چرس دوئی کرے۔ ارٹ میکو کارروائی ٹی پولیس اسٹیشن گوادر کارروائی کرسا کولانچ نا غیر آباد مشی آ علاقہ ٹی جھاڑی تیٹی ڈکوک آ پیکنگ آتون اوار 78 کلوگرام ایمیفٹامائن(آئس) دوئی کرے۔ مسٹ میکو کارروائی ٹی پولیس اسٹیشن کوئٹہ ضلع پشین اٹی پیشن روڈ آ واقع یارو چوک انا خڑک اسہ لاوارث موٹرسائیکل اسے تحویل اٹ ہلسا داڑآن 6 کلوگرام ہفیم و 21 کلوگرام چرس دوئی کرے۔ اے این ایف قطبی، پولیس اسٹیشن، اے این ایف راولپنڈی موٹروے لنک روڈ، اسلام آباد نا خڑک ناکہ ٹی ڈائیووبس اسے تورسا تلاشی ٹی اسلام آباد نا ہنکینی رفیق احمد پنی ءُ مسافر اسے نا شولڈر بیگ آن 4.400 کلوگرام چرس دوئی کرسا اودے دزگیر کرے۔ ارٹ میکو کارروائی ٹی پولیس اسٹیشن اے این ایف اسلام آباد الامان پلازہ، راولپنڈی ٹی واقع اسہ جہانی کوریئر آفس نا کمک اٹ برطانیہ گدریفوک آ اسہ پارسل ءِ کوزہ ٹی ہلسا اوٹی ساڑی پولی تھین بیگ آتیٹی ڈکوک 2.340 کلوگرام ہیرون دوئی کرے وخت اس کہ موقع غا ساڑی راولپنڈی نا ہنکینی ارتضیٰ علی پنی ءُ دوبہ دار اسے دزگیر کرے۔
