نبشتانک ۔ یاسرعرفات
رجانک۔ اورنگزیب
مزن وزیر عمران خان ءَ ملک ءَ بے گسیں گریبیں مردم آنی واستہ 50 لکھ گس آںی جوڑیشت ءِ یک دگہ منصوبگ ءِ سرجمی ءَ را سک باز نامداری رستگ۔ آ وتی دور ءُ باریگ ءِ تہ ءَ انچیں بے دروریں گامگیج ات کہ ایشی ءِ راستی ءَ ھلاپ ءِ سیاسی پارٹی ھم رد کت نہ کناں۔ ملک ءَ بلڈر کمیونٹی ءَ نوکیں پاکستان ہائوسنگ پروگرام ءَ را کامیات جوڑ کنگ ءِ کشگ ءَ استیں پینگ آناں ساپ کنگ ءِ واستہ مزنو زیر عمران خان ءِ کرد ءَ را ساڑاتگ۔ مزن وزیر ءِ دو سال ءِ بازیں جہد ءُ کوشت ءِ نتیجگ ءَ اے پروگرام نوں تیار انت ءُ بلڈرز آں 50 لکھ گس آنی جوڑیشت ءِ ھوالگ ءَ حکومتی کوشست آناں کمک کنگ ءِ واستہ جوانیں پلیٹ فارم پجاری کنگ ءِ پد ءَ دلی واھگ ءُ واھشت ءِ درشا ن ءُ مزن وزیر ءِ کوشست آناں توسیپ ءُ ستا پیش کتگ۔ مزن وزیر ءِ سروکی ءَ بوھوکیں جتا جتائیں دیوان آںی تہ ءَ اے منصوبگ ءِ سر ءَ چار ءُ بچار گوں جھلانکی ءَ کنگ بوتگ۔ اے واستہ اے گامگیج وتی گڈی آسر ءَ گوں جوانی ءَ سر بوتگ۔ اے کوشست آںی بدولت ءَبلڈر کمیونٹی ءَ اے امیت ءِ گوما پروگرام ءَ را ساڑاتگ ءُ گوشتگ کہ 50 لکھ گس آنی جوڑیشت ءِ الم بوت کنت۔ ایسوسی ایشن آف بلڈرز اینڈ ڈویلپرز آف پاکستان (آباد) ءِ چیئرمین محسن شیخانی ءَ گوشت کہ حکومت ءِ نیمگ ءَ ہائوسنگ ءِ شوبگ ءَ را آسراتی ءِ پیشوکی گوشگ ءَ چہ 50 لکھ گس ءِ جوڑیشت ءِ سیم سر در جنگ ءَ کمک رسیت۔ ءُ دو کروڑ مردم آناں روزگار ءِ موہ ھم پجاری بیت۔ نوکیں پاکستان ہائوسنگ اینڈ ڈویلپمنٹ اتھارٹی ء،چیئرمین لیفٹیننٹ جنرل (ر) انور علی حیدر ءَ اے امیت ءِ درشان کتگ کہ کاگدی کاروائی ءَ را آسان جوڑ کنگ ءُ ک اروباری آسانی ءَ را دل یکیمی جوڑ کنگ ءِ واستہ گامگیج ءَ چہ ہائوسنگ ءُ جوڑیشت ءِ صنعت ءَ گیش سرمایہ کار آناں دلگوش کنگ ءَ کمک رسیت۔ آئی ءَ گوشت کہ 31 دسمبر ءَ تاں ہاﺅسنگ ءُ جوڑیشتی صنعت ءَ سرمایہ کنوکیں مردم آں چہ آوانی کٹتگیں زر آںی بابت ءَ جست ءُ پرس کنگ نہ بیت۔ ایشی ءَ چہ پیسر بلڈرز ءُ ڈویلپرز آنی واستہ منظوری گرگ سک باز مشکلہ بوتگ بلے نوں حکومت ءَ ہائوسنگ ءُ جوڑیشت ءِ شوبگ ءِ آسراتی ءِ واستہ “منظوری ءِ کار رپک” ءِ تہ ءَ آسانی جوڑ کتگ۔ آئی ءَ جتا جتائیں صنعت آنی سیت، ھواری اقتصادی چست ءُایر ءُ روزگار ءِ موہ پیداک کنگ ءِ واستہ جوڑیشتی صنعت ءَ را آسراتی دیگ ءِ حکومتی وژن ءِ ھوالگ ءَ تران کت۔ حکومت ءِ واھشت ءَ چہ بلڈرز ءُ ڈویلپرز اے پیکیج ءِ گیشاں چہ گیش سیت چست کنگ ءُ 31 دسمبر 2020 ءَ چہ پیسر وتی منصوبگ بندات کت۔ بنجاھی کابینہ ءَ انکم ٹیکس آرڈیننس 2001 ءُ فنانس ایکٹ 1989 ءَ مٹ ءُ بدلی ءِ وسیلگ ءَ جوڑیشتی صنعت ءَ را ٹیکس آسراتی پجاری کنگ ءِ آرڈیننس ءِمنظوری دات۔ آرڈیننس ءِوسیلگ ءَجوڑیشتی صنعت ءِ واستہ آسراتی پیکیج ءِ منظوری ءِمول ءُ مراد معاشی چست ءُ ایر آنی دیمروئی ءُ ملک ءَ روزگار ءِموہ پیداک کنگ انت ایش کورونا وائرس ھوپ ءِ سبب ءَ لاک ڈائون ءَ چہ آماچ بوتگ۔ نوکیں پاکستان ہائوسنگ ڈویلپمنٹ اتھارٹٰ ءِ منظور کتگیں سستائیں ہائونگ منصوبگ آنی واستہ ٹیکس آنی تہ 90 درسد گیش یلو دیگ بوتگ۔ ٹیکس ءِ نوکیں کساس 31 دسمبر 2020 ءَ چہ پیسر بوھوکیں نوکیں منصوبگ ءُ اے سکیم ءِ چیر دستی ءَ ٹیکسیشن ءِ گیچ کنوکیں استیں نامکملیں منصوبگ آنی سر ءَ بیت۔ دوئیں نوکیں ءُ استیں منصوبگ آنی ایف بی آر ءِ گوما درج کنگ لوٹ ایت۔ استیں منصوبگ آںی سرجمیءِ بابت ءَ وت سر پد کنگ ءُ نوکیں فکسڈ ٹیکس اسکیم ءِ چیر دستی ءَ اے منصوبگ ءِ باقی بھر آںی واستہ فکسڈ ٹیکس دینت۔ اے سکیم ءِ چیر دستی ءَ ٹیکسیشن ءِ گیچ کاری کنوکیں بلڈز ءُ ڈویلپرز آنی نیمگ ءَ شیئر ہولڈرز آناں سیت دییگ ءِ سر ءَ ٹیکس ءَ چہ یلوئی رسیت۔
