اسلام آباد۔7نومبر (اے پی پی): مزن وزیر عمران خان ءَ گوشت کہ اپوزیشن ھرچی مڈی میڈی بکنت تاں وھد ءِ ملک ءَ چہ دزتگیں زراں واپس نہ کن انت ایشاناں یل نہ کناں، ایش وتی دزئی آنان رکھینگ ءِ واستہ ہندوستان ءِ وڑ ءُ نمونگ ءَ تران ءُ گشتانک کنگ ءَ انت۔ اے ھیالانی درشانی آئی ءَ حافظ آباد ءَ السی مچی ءَ گوں گشتانک دیان ءَ کت۔ آئی ءَ گوشت کہ کورونا ءِ سبب ءَ سرجمیں دگنیا مشکل آنی آماچ انت پدا جوانیں گامگیج آنی سبب ءَ ملک مشکل آں چہ در کئیت۔ ملک ءَ ترندی ءَ گوں مٹ ءُ بدلی پیداک انت۔ ھمساھگیں ملک آںی تہ ءَ کورونا ءَ چہ تباھی بوتگ پدا ھم پاکستان ءَ جوانیں کامیاتی ءَ گوں کورونا ءِ گوما دیم پہ دیمی کتگ، پاکستان ءِ سٹاک ایکسچینج دیم ءَ جنزگ ءَ انت۔ برآمدی پڑ دیمروئی کنگ ءَ انت۔ معیشت چکر ءَ بندات کتگ، زوت آسودگی بیت۔ آئی ءَ گوشت کہ حافظ آباد ءَ یونیورسٹی ءِ جوڑ کنگ بوھگ ءَ انت وھدیکہ 400 بیڈ آنی یک نادراھ جاھے ڈسٹرکٹ ہسپتال نام ءِ سر ءَ جوڑ کنگ ءِ پیسلہ کنگ بوتگ۔ آئی ءَ گوشت کہ پنجاپ حکومت وتی صوبگ ءِ پنجاھ درسد شہری آنان گوزوکیں سال ءَ ہیلتھ کارٹ پجاری کنت وھدیکہ 2021 ءَ تاں صوبگ ءِ اندر ءَ توامیں شہیر آناں ہیلتھ کارٹ جاڑی کنگ بیت۔ اے ہیلتھ کارٹ ءِ گیشاں چہ گیش لیمٹ 10 لکھ انت، سرکاری ءُ جندی ہسپتال آںی تہ ءَ نادرھ آناں دوا ءُ درمان کنگ بیت۔ مراگش ءِ توکی ءَ سر وزیر پنجاپ سردار عثمان بزدار، راجی اسمبلی ءِ باسک شوکت علی بھٹی ءُ پاکستان تحریک انصاف ءِ سروک مہدی حسن بھٹی ءَ ھم گشتانک دات۔
