راولپنڈی۔7نومبر (اے پی پی): سرڈگاری اُرد ءِ سروک آرمی چیف جنرل قمر جاوید باجوہ ءَ گوشت کہ لاجسٹک سپورٹ ءِ پجاری ھواریں کزبی ازمکاری ءُ اُردی تیاری آنی تہ ءَ باز ارزشت دار انت، جوانیں لاجسٹک ءِ دستیابی ءَ چہ مئے دژمن کجاھم نمونگ ءِ پندل بکنت اے آسراتی درستیں نمونگ ءَ کمکار سہرا بنت۔ پاک اُرد ءِ شوبگ آئی ایس پی آر ءِ نیمگ ءَ جاڑی بوتگیں جار ءِ رد ءَ اے ھیالانی درشانی سرڈگاری اُرد ءِ سروک ءَ لاہور کور ءِ لاجسٹک جاھ آںی تر ءُ تاب ءِ موہ ءَ کت انت۔ جنرل قمر جاوید باجوہ ءَ یک شمبے ءَ لاہور کور ءِ لاجسٹک جاھ آںی تر ءُ تاب کت۔ جنرل قمر جاوید باجوہ ءَ گوشت کہ جوانیں لاجسٹک سپورٹ ءِ استی ءَ چہ دژمن ءِ پندل ڈگار ءَ جنگ ءَ کمکار سہرا بنت۔ چیف آف لاجسٹک سٹاف لیفٹیننٹ جنرل اظہر صالح عباسی ءَ اے موہ ءِ سر ءَ آرمی چیف ءَ را وش اتک کت ، کوارٹر ماسٹر جنرل لیفٹیننٹ جنرل عامر عباسی ءُ فور کور ءِ کمانڈر لیفٹننٹ جنرل ماجد احسان ھم اے موہ ءِ سر ءَ ساڑی اَت۔
