بلاول ءَ زمہ داری ءِ درشان کتگ ءُ گوشتگ کہ پی ڈی ایم ءَ ارد ءَ را نشانگ بندی ءِ اچ پیسلہ نہ بوتگ، پیپلز پارٹی ، ن لیگ ءِ گوما چل ات نہ کنت، شیخ رشید احمد ءِ پریس کانفرنس ءَ گوں گشتانک

کراچی۔7نومبر (اے پی پی): بنجاھی وزیر برائے ریل گاڑی شیخ رشید احمد ءَ گوشت کہ بلاول بھٹو زرداری ءِ بیان ءَ را میڈیا ءَ مزنیں جاک ءُ کوکار ات آئی ءَ زمہ واری ءَ گوں درشان کتگ کہ پی ڈی ایم ءَ ارد ءِ ھلاپ ءَ گپ ءُ تران کنگ ءِ اچ پیسلہ نہ بوتگ، 30 دسمبر ءَ چہ 20 فروری تاں پیپلز پارٹی، ن لیگ ءِ گوما چل ات نہ کنت۔ پیپلز پارٹی استعفا نہ دنت، نواز شریف ءُ مریم نواز بندیں گلی ءِ نیمگ ءَ سیاست ءَ برگ ءَ انت، اچ سیاست ڈائیلاگ ءِ کشک ء بند کت نہ کنت، مزن وزیر عمران خان ءَ تل پچی ءَ گوشتگ کہ نیب ءُ این آر او ءَ ابید توامیں چیز آںی سر ءَ گپ ءُ تران ءُ شور ءُ مشور ءِ واستہ تیار آں، اگاں سیاست دان یکجائی ءَ نند آں ءُ پیسلہ وت مہ کناں گڈا ایشی ءَ چہ گہتریں نتیجگ اچ بوت نہ کنت۔ ملک ءَ مارشل لا بوت اتک نہ کنت۔ دگنیا ءَ مارشل لا ءِ جاور نہ انت، ھمے جہوریت چل ایت ءُ مزن وزیر عمران خان پنچ سال سرجم کنت۔ اے ھیالانی درشانی آئی ءَ شمبے ءِ روچ ءَ کمیپ کارگس ءَ پریس کانفرنس ءَ گوں گشتانک دیان ءَ کت۔