وانگءُ زانگ ءِ بنجاہی وزیر وزیر شفقت محمود ءَ چہ صدر بین الاقوامی اسلامی یونیورسٹی ڈاکٹرھذال ءِگندءُنند

اسلام آباد۔6نومبر (اے پی پی): وانگ ءُ زانگ ءِبنجاہی وزیر شفقت محمود ءَ گوں صدر بین الاقوامی اسلامی یونیورسٹی ڈاکٹرھذال حمود العتیبی ءَگندءُنندکتگ کہ گندءُنندءَ فاصلاتی وانگ ءُ انگ ءَ راگیش کنگ ، معیاری وانگ ءُ زانگ ءُ چاگرد ءِ جوڑکنگ ءَ وانگ جاہ آنی کرد ءِوڑیں سرحال ءِسرءَ حیال ءُ لیکہءِ درشانی کنگ بوتگ۔ وانگ ءُ زانگ ءِ بنجاہی وزیر ءَ ڈاکٹر ھذال ءَ را صدر بوہگ ءِ ارزشتءَ زمہ واری سمبھالگ ءَمراد بات داتگ ءُ پہ آئی ءَ نیکیں واہگانی درشانی کتگ۔ اسلامی یونیورسٹیءِ چاگرد ءِ ھاترءَازمت ءَ را ساڑاتگ ءُ شفقت محمود ءَ جامعہ ءَ را کمک کنگ ءِ اوست داتگ۔ آئی ءَ پاک سعودی سیادی ءِ ذکر کتگءُ گشتگ کہ دوئیں ملک آنی نیام ءَ دیریگیں ءُ محکمیں سیادی اَست کہ ہمک روچ ءَ گیش بوہان اِنت۔ جامعہ ءِ صدر ءَ وانگ ءُ زانگءِ وزیر ءَ را اسلامی یونیورسٹی ءِ وژن، باندات ءِ مول ءُ مراد، وانگءُ زانگی معیار ءِ گہتری ءِ ھاترءَ گامگیج ءُ سُرءُ پرانی ہوالگ ء َ سرپد کتگ۔ آئی ءَ گشتگ کہ اسلامی یونیورسٹی وزارت ءِ پالیسی ءُ وژن ءِ روژنائی ءَ مزنیں وانگ ءُ زانگ ءِ ھاترءَ دونیمگی کمک ءِ وسیلگ ءَ وتی کوشستاں برجاہ داریت۔ ڈاکٹر ھذال ءَ گشتگ کہ اسلامی یونیورسٹی سرجمیں دنیا ءِ یونیورسٹی آنی گوما کمک ءَرا گیش کنگ ءِ واہشت مند اِنت تنکہ یکے دومی تجروبتاں چہ پائدگ چست کنگ بہ بیت۔