پاکستان ءَ را مدینہءِ ترزءَ ریاست جوڑ کنگ مے راستیں منزل اِنت، مزن وزیر عمران خان ءِ حکومت وتی منزل ءِھاترءَ رہادگ اِنت، بنجاہی وزیر شبلی فراز

اسلام آباد۔6نومبر (اے پی پی): حال ءُ اھیوال کاری ءُ بنجاہی وزیر سینیٹر شبلی فراز ءَ گشتگ کہ پاکستان ءَرا مدینہ ءِ ترز ءِریاست جوڑ کنگ مے راستیں منزل اِنت، مزن وزیر عمران خان ءِ سروکی ءَ وتی منزل ءِ حاصل ءِ ھاترءَ رہادگ اَنت، کشک ءِ اوشت ءُ رکاوٹ ہلاس بنت، حکومت ءِ گامگیج ءُ پالیسی آنی برورد زوت اُلس ءَ راسر بنت، گران بہائی ءَ را گرءُ دار کنگ مے اولی دلگوشی اِنت، نا پی ٹی وی ءِ نجکاری کنگ بوہگءَاِنت ءُ نا ملازم کارءَچہ درکنگ بوہگءَاَنت۔آ جمعہ ءِ روچءَ پی ٹی ڈی ءَ بنجاہی وزیر سید فخر امام ءُ بنجاہی وزیر عماد اظہر ءِہمراہ میڈیا شونست دیئگ ءَ بوتگ۔ بنجاہی وزیرسینیٹر شبلی فراز ءَ گشتگ کہ مزن وزیر عمران خان دائم ءَیکیں گپ ءِسرءَزور پِر دنت کہ ریاست ءَ لھس مھلول ءَ را ہرچ وڑیں آسراتی دیئگ بہ بیت، جیڑہ ءُ جنجال آئی ءِ لوگ ءِ دپ ءَچہ ہلاس کنگ بہ بنت، اے مدینہ ءِ ریاست ءِ ماڈل اِنت،اصل ءَ مے منزل گیشینگ بوتگ ءُ ما راستیں نیمگے ءَ رہادگ اَنت،۔ منزل ءَ سربوہگ ءِ ھاترءَ وہد لوٹ ایت ءُجیڑہءُ جنجال دیما کایاں، اے درائیں جیڑہءُجنجالاں ما ہلاس کناں ءُ وتی منزل ءَسربنت۔ آئی ءَ گشتگ کہ لاہور ءَدھکانی روانک ءَ یک دھکانے ءِ بیرانی سکیں ناوشیں ویئل اِت اے وڑیں وئیل مابنت۔ آئی ءَ گشتگ کہ اُلس ءَہمگرنچیں جیڑہ آں گوں اُلسءَ را سرپد کنگ لوٹاں، گندم ، شکر ءِ درآمد، بھرءُبانگ ءُ رعائتی نیاد انی سرءَ بہا کنگ ءِ ھاترءَگامگیج چست کنگ بوہگ ءَ اِنت۔ یک جستےءِپسوءَ آئی ءَگشتگ کہ پی ٹی وی ءَ چہ 1600 کنٹریکٹ ، ڈیلی ریجز، ایڈہاک ملازم آں درکنگ ءُ پی ٹی وی ءَ را نجکاری کنگ ءِ حال دروگ اَنت، اے گپانی سرء َ کس باور ماکنت۔