مینگورہ۔6نومبر (اے پی پی): مزن وزیر عمران خان ءَگشتگ کہ پاکستان ءِ درائیں مزنیں دُزءُ ڈُنگ یکجاہ بوتگ ءُ این آر او لوٹگ ءَ اَنت، این آر او نارسگ ءَ نوں پاکستان ءِ فوج ءُ آمید گس ءِ سرءَ اُرش ءُ کنگءُ نوکیں گیم بندات کنگ بوتگ، فوج ءَ را مان شِردینگ بوہگ ءَ اِنت ایشی ءَ چہ گیش ملک دژمنی دگہ چے بوت کنت، نواز شریف تولگ ءِ وڑءَ ڈن ءَ نشتگ ءُ گپ کنگ ءَ اِنت، آئی ءِ بچاں ہم زر دُز اِتگ ءُ ڈن ءَ نشتگ اَنت، آئی ءِ جنک فوج ءِ حلاپ ءَ گپ ءَ اِنت، آ یک زالبول اِت پہ ہمے حاترءَ آئی ءَ عزت ءَ کناں ءُ آئی ءَ را ایچ گشگ ءَ نیاں ، شریف ءُ زرداری ءَ را این آر او دیئگ ءَ گوں ملک ءِ سرءَ باز زُلم کنگ بوتگ، قانود ءِ مزنی ءَ را محکم کناںءُ پاکستان ءَ را مدینہ ءِ ریاست ءِ ترز ءَ فلاحی ریاستی جوڑ کناں۔ اے ھیالانی درشانی آئی ءَ جمعہ ءِ روچءَ خیبر پختونخوا ءَ درائیں شہری آنی جان ءُ سلامتی کارڈ دیئگ ءِ منصوبہ ءِ بُنگیج ءِ موہ ءَ مینگورہ ءَ اُلسی مُچی ءَگوں تران کنان ءَ کتگ۔ اے موہ ءَ خیبر پختونخوا ءِ گورنر شاہ فرمان ، سروزیر محمود خان، بنجاہی وزیر مراد سعید، بنجاہی ءُ صوبائی وزیر، اسمبلی ءِ باسک ءُ دمگ ءِ اُلس ءِ مزنیں کساسے ساڑی است بوتگ۔ مزن وزیر عمران خان ءَ جوانیں وش اَتک کنگ ءَمینگورہ ءُ مالاکنڈ ءِ اُلس ءِ شگرءُ منت گپتگ۔ آئی ءَ سیئل ءُ سواد ءِنوکیں ہندءُجاہ جوڑ کنگءَ خیبر پختونخوا ءِ سروزیر ءَ مرادبات داتگءُ گشتگ کہ ایکسپریس وے و موٹر وے ءُ سیئل ء ُ سواد ءِ نوکیں ہند ءُ دمگ پچ بوہگ ءِ سبب ءَ دمگ ءِ تہ ءَ وش حالی پیداک اِنت کہ پیسر ءَ نابوتگ ۔ مزن وزیر ءَگشتگ کہ سیئل ءُ سواد ءُ دیمروئی گامگیج ءَ چہ سوات سرجم ءَ مٹ بیت۔ پاکستان ءَ سیئل ءُ سواد ءَ پڑ ءَ دیمروئی ءِ بازیں موہ اَست۔ خیبر پختونخوا حکومت ءِ نیمگ ءَ چہ سیئل ءُ سواد ی دیمروئی ءِ ھاترءَ گامگیج باز ارزشت داریت۔ مزن وزیر ءَگشتگ کہ خیبر پختونخوا اولی صوبہ اِت کہ اِدءَدرائیں شہری آناں جان ءُ سلامتی آسراتی ءِ کارڈ رسیت۔ آئی ءَگشتگ کہ جانءُ سلامتی آسراتی کارڈ ءَ چہ نیزگاریں مردماناں کجام ہم سرکاری یا پرائیویٹ نادراہ جاہ آں 10 لکھ کلدار ءِعلاج ءِ آسراتی دیئگ بیت۔ مزن وزیر ءَ گشتگ کہ نوکیں پاکستان ہاؤسنگ ءِمنصوبہ ءَ چہ اُلس ءَ را وتی جِند ءِ لوگ بوت کنت۔ نیزگاریں مردم درائیں زند کرائے لوگاں زند گوازیناں نو آ وتی جنِد ءِلوگ ءِ مالگ بنت ءُ ہمےکرائے ءِ زراں قسط ءِحساب ءَ دیاں ءُ وتی لوگانی واہُند جوڑ بنت۔ آئی ءَ گشتگ کہ انوگیں حکومت 73 سالاں یک وڑیں وانگ ءُزانگی نظام دیما آرگ ءَ اِنت تنکہ امیر گریب ءُ ھاترءَ جتاہ جتاہیں نظام ہلاس کنگ بہ بنت ءُ یک وڑیں نظام جوڑکنگ بہ بیت۔ آئی ءَ گشتگ کہ یک ڈُنگے لندن ءَ نشتگ ، آئیءِ نادراہی ءِ دروگ بستگ ءُ مارا آئی ءِ سرءَ بزگ بوتگ ، آمید گساں ہم آئی ءِ سرءَبزگ بوتگ ءُ آیاں گشتگ کہ آئی ءَ را ڈن ءَ رؤگ بِل اِت۔ من گوں آمید گساں گشتگ کہ آئی ءَ چہ 7 ارب کلدار بُزور ءُ ایر کنے چیا کہ اے زرءِپوجا ءَ کنت۔ ڈن ءِ رؤگ ءِ ھاترءَ نواز شریف ءَ با ز کوشست کتگ کہ وڑے نا وڑے ءَاین آر او بہ رسیت بلے آ زانت کہ عمران خان اے این آر او نادنت ، آ زانت کہ آ وتی پندلاں سوبمند نابیت آئی ءَ پاکستان ءِ فوج ءُ امید گساں بدءُرد کنگ کنگ بندات کتگ ۔ فوج ءَ را بغاوت کنگ ءِ ھاترءَ گشگ ءَ اِنت۔ ایشی ءَ چہ مستریں ملک دُژمنی دگہ چے بوت کنت۔ آئی ءِ جنک ہم ہمے گپ ءَ کنگ ءَاِنت۔ آئی ءِبچ پاکستان ءَ آیگ ءَ نیاں۔ آ سرپد اَنت کہ آ بندی جاہ ءَرؤاں۔ اے ملک ءَ را مزنیں مزنیں ڈُنگ 30 سالاں چہ ملک ءَ را لُٹگ ءُ ورگ ءَ بوتگ اَنت۔ نواز شریفءُ زرداری ءَ یکے دومی ءَ را کرپٹ گشتگ ءُ یکے دومی ءِ حلاپ ءَ مقدمہ جوڑ کتگ۔ مرچی یکجاہ منءَچہ این آر او لوٹگ ءَاَنت ءُ پاکستانی آں اے کلوہ ءَ دیئگ ءَ اَنت کہ آ قانودءَ چہ بُرز تر اتاں۔ آئی ءَگشتگ کہ 10 سالاں پاکستان ءِ وام این آر او ءِ سببءَ 6 ہزار ارب ءَ چہ گیش بوتگءُ 30ہزار ارب بوتگ اَنت ءُ آیانی دُزی ءِ ملام ءَ ما پُر کنگ ءَاَنت۔ ایشی ءَ ابید خیبر پختونخوا ءِ سروزیر محمود خان ءَ گشتگ کہ تاں 31 جنوری ءَصوبہ ءِ درایں شہری آں جان ءُ سلامتی ءِ آسراتی ءِکارڈ بھرءُبانگ کنگ بیت۔ اے موہ ءَ بنجاہی وزیر مراد سعید ءَ تران کتگءُ گشتگ کہ اُلسءَ اے گپ سابت کتگ کہ آ عمران خان ءَ گوں ہم گام اَنت۔ مالاکنڈ ڈویژن ءَ سماجی ءُ معاشرتی دیمروئی ء ِ سفر بندات بوتگ۔ آئی ءَ گشتگ کہ جان ءُ سلامتی انصاف کارڈ ءَ چہ مفت علاج ءِ آسراتی دیئگ ءَ مار ا پھر اِنت۔ ڈنی ملکی پاکستانی آنی سرءَ مارا پھر اِنت۔ آئی ءَ گشتگ کہ اپوزیشن لوٹ ایت کہ آیاں دُزی ءُ لُٹ مار پہیل کنگ بہ بنت۔ مزن وزیر عمران خان ءَ تچک ءَ گشتگ کہ این آر او نارسیت۔ اُلس ءِ پیسہ کسءَ را پہیل کنگ نہ بنت۔
