ملکی معیشت ءَ را جیڑہ ءُ جنجالاں چہ زوت درکنگ بیت، مخدوم شاہ محمود قریشی

اسلام آباد۔6نومبر (اے پی پی): دری کارانی وزیر مخدوم شاہ محمود قریشی ءَ گشتگ کہ باززوت ملکی معیشت چہ جیڑہ ءُجنجالاں درکنگ بیت۔ اے گپ آئی ءَ سٹیٹ بینک ءِ گورنر رضا باقر ءَگوں گپءُ تران کنان ءَ کتگ کہ آیاں جمعہ ءِ روچءَ یکے دومی ءَگوں گندءُنندکتگ۔گندءُنندءَ ملک ءِ اقتصادی جاورھال ءَ ہوار دگہ حاسیں کارانی سرءَ ھیال ءُ لیکہ ءِ درشانی کنگ بوتگ۔ اسٹیٹ بینک ءِگورنر ءَسٹیٹ بینک ءِ کارءُ کرد، زرمبادلہ ءِ شرح ءِ تہ ءَ گیشی ءُ مالیاتی اشاریہ ءِہوالگ ءَ دری کارانی وزیر ءَ شونست داتگ۔ دری کارانی وزیر ءَ گشتگ کہ کرونا ءِہوپ ءَ سرجمیں دنیاءِ معیشت ءَ باز آماچ کتگ۔ کورونا ءِ سبب ءَ پاکستان ءِوڑیں دیمروئی کتگیں ملک ہم معاشی ارزشت ءَ آماچ بوتگ اَنت۔ کورونا ءِہوپ بوہگ ءَابید زرمبادلہ ءِ شرح ءَ گیشی، ڈنی ملک ءَ نندوکیں پاکستان آنی انوگیں حکومت ءِ معاشی پالیسی آنی سرءَ اوست ءِدرشانی اِنت۔ شاہ محمودقریشی ءَگشتگ کہ مے سفیر ” معاشی سفارتکاری” ءِ وسیلگ ءَ پاکستان ءَ زرکاری ءِ استیں موہءُ حکومت ءِ بیپار دوستیں پالیسی آں سرجمیں د نیا ءَ پدر کنگ ءَاَنت۔ مخدو م شاہ محمود قریشی ءَ گشتگ کہ یورپی یونین ءِ نیمگءَ چہ پاکستان ءِ ھاتر ءَ جی پی ایس پلس سٹیٹس ، کلدار ءِارزشت گیش بوہگ ءُ ایندگہ مواشی اشاریے مے جوانیں پالیسی آنی سبوت اَنت۔ انشااللہ باز زوت ملکی معیشت ءِ جیڑہ ءُ جنجال ہلاس کنگ بنت۔