اسلام آباد۔6نومبر (اے پی پی) پاکستان تحریک انصاف ءِ حکومت ءِ نیمگ ءَ جوڑیشتی شوبگ ءِ واستہ یک مزنیں آسراتی پیکیج ءِ جار جنگ ءَ پد سرجمیں ملک ءَ ٹوھیں کساس ءَ جوڑیشتی چست ءُ ایر آنی بنگی کنگ بوتگ ءُ ایشی ءَ چہ گریبی ءُ بے روزگاری ءِ تہ ءَ مزنیں کساس ءَ کمی بوت کنت۔ نوکیں پاکستان ہائوسنگ اتھارٹی ءِ رد ءَ حکومت ءَ نوکیں پاکستان ہائوسنگ پروگرام ءِ واستہ 30 ارب کلدار ءِ سبسڈی گیشینتگ۔ کم کٹ کنوکٰں مردم آنی واستہ جوڑ بوھوکیں یک لکھ گس آنی سر ءَ یک لوگے ءِ سر ءَ سئے لکھ کلدار ءِ سبسڈی دیگ بوھگ ءَ انت۔ ھمے رنگ ءَ لوکاسٹ گس آنی واستہ ٹیکس ءِ کساس گیش 90 درسد ءِ یلوئی، پنچ گس مرلہ گس ءِ سر ءَ پنچ درسد وھدیکہ دکھ مرلہ گس ءِ سر ءَ ھپت درسد مارک اپ ءِ وام دیگ ءِ آسراتی دیگ بوتگ۔ اے رد ءَ جتا جتائیں بینک آنی نیمگ ءَ وام آنی پجاری ءِ کار ھم جاڑی انت وھدیکہ بینک آں “منی پاکستان- منی گس” سکیم ءِ چیر دستی ءَ سبزکرائیبر آناں وام ءِ در جنگ ءَ آسراتی پجاری کنگ ءِ واستہ ھاسیں ڈیکس ھم جوڑ کنگ بوتگ آھودا مردم آناں وام ءِ دیگ ءِ بابت ءَ مالومداری، لوٹ کتگیں ڈاکیومنٹس ءُ ءُ وام ءِ دیگ ءِ شیڈول ءِ بابت ءَ سرپد کنگ بیت۔ اے سکیم ءِ چیر دستی ءَ توامیں پاکستانی دزبندی دات کت کناں۔ وام ءِ در جنگ ءِ پد ءَ پنچ سال ءِ واستہ 10 لکھ کلدار ءِ پد ءَ ھمک ماھ کست 6600 کلدار، 20 لکھ کلدار ءِ سر ءَ 13199 کلدار، 30 لکھ کلدار 19799 کلدار، 40 لکھ کلدار ءِ وام ءِ سر ءَ 31012 کلدار وھدیکہ 50 لکھ وام ءِ سر ءَ 38765 کلدار ادا کنگ کپ ایت۔ اے اسکیم ءِ چیر دستی ءَ سئے کیٹیگریز انت ایشانی تہ ءَ اولی کیٹیگری نوکیں پاکستان ہائوسنگ اینڈ ڈویلپمنٹ اتھارٹی (NAPHDA) ءِ منصوبگ آنی انت ایشی ءِ تہ ءَ 850 سکوائرفٹ کورڈ ایریا ءِ کچ ءُ کساسے پنچ مرلہ ءِ گس یا اپارٹمنٹ ھوار انت۔ دومی کیٹیگری ءَ Non – NAPHDA ءِ منصوبگ ھوار انت ایش 850 سکوائرٖٹ کورڈ ایریا ءِ کچ ءُ کساسے پنچ مرلہ ءِ گس یا اپارٹمنٹ ایگ انت۔ ھمے رنگ ءَ سیمی کیٹیگری ءَ ھم Non – NAPHDA منصوبگ ھوار انت ایش 125 مربع گز ءَ چہ گیش 10 مرلہ تاں گس ھوار بنت ایشانی تہ ءَ کورڈ ایریا 850 مربع فٹ ءَ چہ 1100 مربع فٹ بیت۔ اولی ءُ دومی کیٹیگری ءَ چہ گس یا اپارٹمنٹ ءَ چہ گیشاں چہ گیش نیاد 35 لکھ کلدار وھدیکہ سیمی کیٹیگری ءَ گس یا اپارٹمنٹ ءِ نیاد 60 لکھ کلدار گیشینت بوتگ۔ اے سکیم ءِ چیر دستی ءَ اولی کیٹیگری ءِ واستہ 27 لکھ کلدار، دومی کیٹیگری ءِ واستہ گیشاں چہ گیش 30 لکھ کلدار ءُ سیمی کیٹیگری ءِ واستہ 50 لکھ کلدار ءِ وام پجاری کنگ بیت۔ بینک آں اے مول ءُ مراد آنی واستہ 378 ارب کلدار ءِ زر گیشینتگ انت۔ توامیں سیادی داروکیں ڈویلپمنٹ اتھارٹیز آنی نیمگ ءَ لُکوکیں وھد ءُ پاس ءِ تہ ءَ منصوبگ آنی منظوری ءِ واستہ این او سی ءِ پرسیسنگ ون ونڈو پورٹل ءِ وسیلگ ءَ کنگ بوھگ ءَ انت۔ بنجاھی کابینہ ءَ انکم ٹیکس آرڈیننس 2001 ءُ فنانس ایکٹ 1989 ءَ مٹ ءُ بدلی ءِ واستہ جوڑیشتی صنعت ءَ را ٹیکس ءِ آسراتی دیگ ءِ واستہ آرڈیننس ھم منظور کتگ ءُ جوڑیشت ءِ شوبگ ءَ کم کٹ کنوکیں تبک ءُ مزدگر آنی واستہ ہائوسنگ پراجیکٹ ءَ را بازیں آسراتی پجاری ھم کت ایشانی تک ءَ فکسڈ ٹیکس ءِ نظام ءُ کمو سوت ءِ سر ءَ وام ءِ پجاری ءَ ھوار ایندگر آسراتی ھوار انت۔ اے گامگیج ءَ چہ جوڑیشتی مٹیریل ءِ نیام آنی تہ ءَ ھم کمی اتکگ ءُ دیمروئی ءِ چکر یک رند ءِ پد ءَ چکرگ ءَ بندات بوتگ۔ اے درست مزن وزیر عمران خان ءِ جوانیں سروکی ءِ سبب ءَ بوتگ انت۔ حکومت ءَ اے گامگیج آنی بدولت ءَ گریبیں الس وتی گس ءِ تہ ءَ نناد ءَ کرایہ ءِ جاھ ءَ گس ءِ کست آں دینت ءُ وتی جندے گس بوھگ ءِ واب ءَ پیلو کت کناں۔
