حسن ابدال۔6نومبر (اے پی پی): مزن وزیر عمران خان ءَ گوشت کہ پاکستان ءَ را انچیں ملک ءِ جوڑ کنگ لوٹاں کہ ایشرا چہ ڈن ملک ءَ وام زورگ مہ کپ ایت، معیشت ترندی ءَ گوں دیمروئی کنگ ءَ انت، ایم ایل ون ءِ رنگ ءَ پاکستان اولی رند ءَ چین ٹوھیں سرمایہ کاری کنگ ءَ انت، پاکستان سیل ءُ سواد ءِ ءِ ھوالگ ئَ ٹوھیں بنجاھ ءِ جوڑ بوھگ ءَ انت۔ اے ھیالانی ددرشانی آئی ءَ آدینگ ءِ روچ ءَ حسن ابدال ءَ ریلوے سٹیشن ءِ اپ گریڈیشن ءِ بنگیجی مراگش ءَ گوں گشتانک دیان ءَ کت۔ مزن وزیر ءَ گوشت کہ نوکیں نوکیں پاکستان ءَ ریلوے ءِ ٹوھیں ارزشت ءِ است چیا کہ ریل ءِ وسیلگ ءَ لس مردم سستائیں ءُ آسودگیں سفر کن انت۔ سرجمیں دگنیا ءَ ریل سفر ءِ گہتریں وسیلگ ات۔ مزن وزیر ءَ اے گپ ءِ سر ءَ اپسوزی ءِ درشان کت کہ انگریز آنی داتگیں ریلوے نظام ءِ دیمروئی دیگ نہ بوتگ۔ ایشرا شاھیگان کنگ ءِ مٹ ءَ ایشرا 50 کلومیٹر ءِ کمی بوتگ۔ آئی ءَ گوشت کہ چین دگنیا ءَ درستاں چہ مستریں ترند تر دیمروئی کنوکیں ملک ات ءُ چین ءَ وتی ملک ءَ را سرجمیں دگنیا ءِ ترندتریں ریلوے نظام برجا کتگ۔ چین ءِ کمک ءَ چہ ملک ءَ اولی رنگ ءَ درستاں چہ مستریں سرمایہ کاری بوھگ ءَ انت۔ ایم ایل ون 9 ارب ڈالر ءِ منصوبگ ات۔ چین ءِ گوما گپ ءُ تران ءِ وسیلگ ءَ اے منصوبگ ءَ را 6 ارب ڈالر ءَ تاں آورتگ۔ ایم ایل ون منصوبگ ءَ چہ کراچی ءَ لاہور ءِ سفر ایوک ءَ 7 کلاک ایگ بیت۔ منصوبگ ءِ چیر دستی ءَ پرانڈر ءُ اوور پاسز جوڑ بیت۔ گیٹ جنگ بیت ءُ روزگار ءِ موہ پیداک بیت۔ مزن وزیر ءَ گوشت کہ منصوبگ ءَ چہ ملکی معیشت ءَ راھم سیت ءُ کاروبار آسان بیت۔ آئی ءَ اے واھشت ءِ درشان کت کہ پاکستان انچیں ملک ءِ جوڑ بیت کہ ایشرا وام زوگ نہ کپ ایت چیا کہ استیں حکومت ءَ را انچیں ملک ءِ میراس ءَ رستگ ھما کہ وام آنی چیر ءَ چیر تر اتگ۔ آئی ءَ گوشت کہ معاشی دیمروئی ءَ پاکستان ریلوے ارزشتی ایں کرد ءِ پیلو کنت انت۔ حکومتی گامگیج آں چہ معیشت ءَ دیمروئی کنگ بندات کتگ۔ آئی ءَ گوشت کہ پاکستان ءِ کانود توامیں شہیر آناں ھمکچیں ھک است انت۔ سکھ آنی شرپ مندیں جاھ پاکستان ءَ انت۔ ما کوشست کتگ کہ سکھ زیارتی مردم آناں گہتریں آسراتتی پجاری بکن آں ءُ ایشانی واستہ آسانی پیداک بکن آں ءُ پاکستان یک انچیں ملک ءِ جوڑ بوھگ ءَ انت کہ ادا چہ ڈن ءَ مردم کئیت۔ مزن وزیر ءَ گوشت کہ ملک ءَ سیل ءُ سواد ءِ دیرموئی ءِ واستہ گامگیج کنگ بوھگ ءَ انت۔ ویزہ سسٹم ءَ را گہتر جوڑ کنگ ءُ سیل ءُ سواد ءِ دیمروئی ءِ واستہ گیش گامگیج کنگ ءِ ضلورت انت۔ ایشی ءَ چہ پیسر شیخ رشید احمد ءَ مراگش ءَ گوں گشتانک دات ءُ گوشت کہ حسن ابدال ریلوے سٹیشن ءِ اپ گریڈیشن ءَ چہ ھندی آسراتی آناں کارمرد کنگ بوتگ۔ ننکانہ صاحب ریلوے سٹیشن منصوبگ ھم گوزوکیں ماہ ءَ سرجم بیت۔ آئی ءَ گوشت کہ حسن ابدال ریلوے سٹیشن ءِ سر ءَ سکھ زیارتی مردم آنی واستہ مہمان سرا جوڑ کنگ بیت۔ لائن ون منصوبگ ریلوے ءِ دیمروئی ءِ واستہ سک باز المی انت۔ آئیءَ گوشت کہ ایم ایل ون منصوبگ ءَ 90 درسد فنڈز چائینیز حکومت پجاری کنت وھدیکہ منصوبگ ءِ سر ءَ کار کنوکیں 90 درسد مزور پاکستانی مردم بنت۔ اے ماہ ءِ تہ ءَ ٹینڈر بنت۔ ریلوے مزور ٹیکنیکل الائنونس ءِ تہ ءَ گیشی کنگ بیت۔ آئی ء۔ گوشت کہ کورونا ءِ سبب ءَ ریلوے ءِ بزنس سک باز آماچ بوتگ۔ صنعت آنی واستہ سستائیں توان ءِ پجاری حکومت ءِ ارزشتی ایں یک کار ات۔ عمران خان ءِ سروکی ءَ معیشت ءَ ھوار توامیں چیلنج آنی گر ءُ دار کنگ بیت۔ آئی ءَ گوشت کہ مزن وزیر ءَ ملک ءَ را معاشی جیڈھ آں چہ در کتگ۔ گران بھائی ءُ بے روزگاریءَ را ھلاس کناں۔ ایم ایل ون منصوبگ ءَ چہ ڈیڑھ لکھ نوکری رسیت۔ مزن وزیر ڈاکو، ڈُنگ ءُ دُز آں گوں مڈگ ءَ انت۔ مزن وزیر ءَ منی لانڈرنگ نہ کتگ۔ ملک ءَ چہ ڈن کارخانہ نہ جتگ۔ جائیداد ءُ ماڑی جوڑ نہ کتگ۔ اللہ تعالیٰ ءَ آئی ءَ را شرپ ءُ ازت داتگ۔ آ ملک ءَ گران بھائی ءُ بے روزگاری ءَ ھلاس کنت۔
