وانگ ءُ زانگ ءِ بنجاہی وزیر شفقت محمود ءِ چیر دستی ءَوانگ ءُ زانگی صوبائی وزیر آنی کانفرنس

اسلام آباد۔5نومبر (اے پی پی): وانگ ءُ زانگ ءُ کسبی کارانی بنجاہی وزیر شفقت محمود ءِ چیردستی ءَ وانگءُ زانگءِ صوبائی وزیر آنی کانفرنس بوتگ۔ کانفرنس ءَ وانگ ءُ زانگ ءِ صوبائی وزیر ءُ ہمگرنچیں سیکرٹریز ، ایچ ای سی چیئرمین، چیئرمین آئی بی سی سی ءُ فیڈرل گورنمنٹ ایجوکیشن انسٹی ٹویٹ ( ایف جی ای آئی ) ، نیوی ءُ ایئرفورس ءِ نمائندگ ہوار بوتگ اَنت۔ ڈائریکٹرجنرل نیشنل ہیلتھ سروسز ڈاکٹر صفی ءَ ملک ءَ کوویڈ۔19 ءِ جاورھال ءِ سرءَ فور م ءَ را شونست داتگ۔ ہمے وڑءَ درائیں صوبہ آں وتی وتی صوبہ آنی وانگ ءُ کالج آں کورونا وائرسءِ کیس آنی ڈیٹا شیئر کتگ کہ یک ءَ چہ دو در سد اَنت کہ فورم ءَ ایشی ءَ سرءَسدکی ءِ درشانی کتگ۔ درائیں جاورھالانی تپاسی کنگ ءَپد ملک ءِدرستاں مستریں وانگ ءُ زانگی فورم ءَ تپاکی ءَ گوں وانگ ءُ زانگی ادارگاں بند کنگ ءِ امکانات ءَ را نامن اِتگ۔ فورم ءَ اے گپ ءِ سرءَ تپاک کوتگ کہ انفیکشن ءِ شرح ءَ گیشی ءَ پد وانگ ءُ زانگی ادارگاں بند کنگءِہوالگ ءَ چہ فیصلہ ہندی انتظامیہ ءِ کمک ءَچہ کنگ بیت۔ فورم ءَ زمستان ءِ موکل ایرجتگ ء ُ گشتگ کہ زمستان ءِ موکل مھتل کنگ بہ بیت تنکہ نودربر ارزانی ءَ گوں وتی کورس ءَ سرجم بہ کن اَنت۔ دیوان ءَ حال دیئگ بوتگ کہ کوویڈ۔19 ءَ چہ پیسر وانگ ءُ زانگی سال 32 ہفتگانی بوتگ نو تنا 11 ہفتگانی بوتگ ، سردیانی موکل دیئگ مابنت۔ وانگ ءُ زانگ ءِبنجاہی وزیر ءَ درائیں فیڈرنٹینگ یونٹ آں چہ سرجمیں ملک ءَ یکجاہ وانگ ءُ زانگی کیلنڈر ءِھاترءَ 15 روچاں سرءُ سوج لوٹ اِتگ۔آئی ءَ گشتگ کہ کوویڈ۔19 ءِسبب ءَ وانگ جاہ آنی بندش ءِ وہد ءَ نودربراں نقصان مابیت درائیں فیڈریٹنگ یونٹ آں چہ اپریل تاں اگست ءَ تعلیمی سال ءَ را کنگ ءِہوالگ ءَ سرءُ سوج لوٹ اتگ۔ بنجاہی وزیر ءَ درائیں صوبہ آں چہ گشتگ آ وانگ ءُ زانگی ادارگاں ایس او پیز ءِسرءَترندی ءَ عمل درآمد بہ کن اَنت۔ بنجاہی وزیر این سی اوسی ءَ را جمعہ ءِ روچءَ وانگ ءُ زانگی صوبہ آنی وزیر کانفرنس ءَ بوہوکیں فیصلہ آنی سرءَ شونست دنت۔